Qazaqstandaǵy fitnes naryǵy 120–130 mln dollar kóleminde baǵalanady. Al fitnes ortalyqtary men sport klýbtarynyń jyldyq ainalymy 40-50 mlrd teńgeden asady, dep habarlaidy Dalanews.kz.
Soǵan qaramastan elde fitnes jattyqtyrýshylarǵa arnalǵan biryńǵai memlekettik tizim de, mindetti sertifikattaý da joq.
Qazaq Expert Club-tyń sport salasyndaǵy sarapshysy Evgenii Azarevtiń aitýynsha, jattyqtyrýshylar adamnyń densaýlyǵyna tikelei áser etetin aýyr júktemelermen jumys isteidi. Alaida bul salada kez kelgen adam eńbek ete alady: kásibi sportshy da, arnaiy bilimi joq áýesqoi da.
Málimetke súiensek, Qazaqstanda shamamen 2,1 myń fitnes nysany bar, al bul salada 10-15 myńǵa jýyq jattyqtyrýshy jumys isteidi. Durys daiyndyq pen bilim bolmaǵan jaǵdaida jattyǵý kezindegi jaraqat jiileidi. Zertteýlerge sáikes jaraqattyń 30-40 paiyzy jattyǵýdy qate oryndaýdan, al jartysyna jýyǵy shamadan tys júktemeden týyndaidy.
Ásirese, balalar sporty alańdatady. Ósip kele jatqan kezde jiberilgen qate súiek júiesiniń durys qalyptasýyna keri áser etýi múmkin.
Sarapshynyń pikirinshe, kóptegen eldegidei Qazaqstanda da jattyqtyrýshylardy mindetti túrde sertifikattaý nemese litsenziialaý júiesin engizý qajet. Bul mamandardyń kásibi deńgeiin arttyryp, adam densaýlyǵyna keletin qaýiptiń aldyn alýǵa múmkindik beredi.
