قازاقستانداعى فيتنەس نارىعى 120–130 ملن دوللار كٶلەمٸندە باعالانادى. ال فيتنەس ورتالىقتارى مەن سپورت كلۋبتارىنىڭ جىلدىق اينالىمى 40-50 ملرد تەڭگەدەن اسادى, دەپ حابارلايدى Dalanews.kz.
سوعان قاراماستان ەلدە فيتنەس جاتتىقتىرۋشىلارعا ارنالعان بٸرىڭعاي مەملەكەتتٸك تٸزٸم دە, مٸندەتتٸ سەرتيفيكاتتاۋ دا جوق.
Qazaq Expert Club-تىڭ سپورت سالاسىنداعى ساراپشىسى ەۆگەنيي ازارەۆتٸڭ ايتۋىنشا, جاتتىقتىرۋشىلار ادامنىڭ دەنساۋلىعىنا تٸكەلەي ەسەر ەتەتٸن اۋىر جٷكتەمەلەرمەن جۇمىس ٸستەيدٸ. الايدا بۇل سالادا كەز كەلگەن ادام ەڭبەك ەتە الادى: كەسٸبي سپورتشى دا, ارنايى بٸلٸمٸ جوق ەۋەسقوي دا.
مەلٸمەتكە سٷيەنسەك, قازاقستاندا شامامەن 2,1 مىڭ فيتنەس نىسانى بار, ال بۇل سالادا 10-15 مىڭعا جۋىق جاتتىقتىرۋشى جۇمىس ٸستەيدٸ. دۇرىس دايىندىق پەن بٸلٸم بولماعان جاعدايدا جاتتىعۋ كەزٸندەگٸ جاراقات جيٸلەيدٸ. زەرتتەۋلەرگە سەيكەس جاراقاتتىڭ 30-40 پايىزى جاتتىعۋدى قاتە ورىنداۋدان, ال جارتىسىنا جۋىعى شامادان تىس جٷكتەمەدەن تۋىندايدى.
ەسٸرەسە, بالالار سپورتى الاڭداتادى. ٶسٸپ كەلە جاتقان كەزدە جٸبەرٸلگەن قاتە سٷيەك جٷيەسٸنٸڭ دۇرىس قالىپتاسۋىنا كەرٸ ەسەر ەتۋٸ مٷمكٸن.
ساراپشىنىڭ پٸكٸرٸنشە, كٶپتەگەن ەلدەگٸدەي قازاقستاندا دا جاتتىقتىرۋشىلاردى مٸندەتتٸ تٷردە سەرتيفيكاتتاۋ نەمەسە ليتسەنزييالاۋ جٷيەسٸن ەنگٸزۋ قاجەت. بۇل مامانداردىڭ كەسٸبي دەڭگەيٸن ارتتىرىپ, ادام دەنساۋلىعىنا كەلەتٸن قاۋٸپتٸڭ الدىن الۋعا مٷمكٸندٸك بەرەدٸ.
