Ýkraina prezidenti Vladimir Zelenskii Taiaý Shyǵys elderine drondarǵa qarsy kúres tájiribesin bólisýge daiyn ekenin aitty. Alaida bul kómek tegin bolmaidy. Kiev mundai qoldaý úshin qarjy men jańa tehnologiialar alǵysy keledi, dep habarlaidy Dalanews.kz.
Zelenskiidiń aitýynsha, Ýkraina birneshe sarapshy tobyn Taiaý Shyǵysqa jibergen. Mamandar Qatar, Birikken Arab Ámirlikteri, Saýd Arabiiasy jáne Iordaniiadaǵy amerikalyq áskeri bazaǵa baryp, drondarǵa qarsy júielerdiń jumysyn tanystyryp, keńes berip jatyr.
Ýkraina prezidenti atalǵan missiialardyń tek keńes berý deńgeiinde ekenin erekshe atap ótti.
"Biz eshqandai áskeri operatsiiaǵa qatysyp jatqan joqpyz. Ýkraina Iranmen soǵysyp jatqan joq", – dedi ol.
Zelenskiidiń aitýynsha, mundai tájiribege AQSh, Eýropa, Taiaý Shyǵys jáne Afrika elderi qyzyǵýshylyq tanytyp otyr.
Sonymen qatar Ýkraina AQSh-pen ushqyshsyz apparattarǵa qatysty iri kelisim jasaýdy kózdep otyr. Zelenskii bul kelisimniń kólemi shamamen 35–50 milliard dollar bolýy múmkin ekenin jetkizdi.
