Búgin Aqtóbe oblysynda erekshe oqiǵa oryn aldy. Bir ýaqytta 60 ene men 60 kelin daýys berý ýchaskesine kelip, ózderiniń belsendi azamattyq ustanymdaryn kórsetti, dep habarlaidy Dalanews.kz.
Bul bastama urpaqtar sabaqtastyǵy men otbasylyq birliktiń jarqyn kórinisine ainaldy. Ene men kelinniń qatar kelip, el ómirindegi mańyzdy oqiǵaǵa birge qatysýy qoǵamdaǵy yntymaq pen jaýapkershiliktiń aiqyn belgisi boldy.
«Biz búgin Tamdy aýylynyń belsendi ájeleri, analary bolyp óz kelinderimizdi ertip referendýmǵa keldik. Elimizdiń jarqyn bolashaǵy úshin daýys berdik. Sózimizdi jerge tastamaiǵ sońymzdan erip, izimizdi basyp kele jatqan kelinderge rizashylyǵymyzdy bildiremiz. Elimiz aman, jurtymyz tynysh bolsyn», - dep tilegin aq jaýlyqty ana Aqqaǵaz Tájiǵulova bildirdi.
Daýys berý ýchaskesindegi kórinis erekshe áser qaldyrdy. Merekelik kóńil-kúi, jyly júzdesý, shynaiy kúlki men qýanysh atmosferany odan ári jandandyra tústi. Mundai sátter azamattyq belsendiliktiń tek mindet qana emes, qoǵamdy biriktiretin mańyzdy qundylyq ekenin kórsetedi.
Aqtóbelikter osylaisha el bolashaǵyna beijai qaramaitynyn taǵy bir márte dáleldep, ortaq jaýapkershilikti sezinýdiń úlgisin kórsetti.
