بٷگٸن اقتٶبە وبلىسىندا ەرەكشە وقيعا ورىن الدى. بٸر ۋاقىتتا 60 ەنە مەن 60 كەلٸن داۋىس بەرۋ ۋچاسكەسٸنە كەلٸپ, ٶزدەرٸنٸڭ بەلسەندٸ ازاماتتىق ۇستانىمدارىن كٶرسەتتٸ, دەپ حابارلايدى Dalanews.kz.
بۇل باستاما ۇرپاقتار ساباقتاستىعى مەن وتباسىلىق بٸرلٸكتٸڭ جارقىن كٶرٸنٸسٸنە اينالدى. ەنە مەن كەلٸننٸڭ قاتار كەلٸپ, ەل ٶمٸرٸندەگٸ ماڭىزدى وقيعاعا بٸرگە قاتىسۋى قوعامداعى ىنتىماق پەن جاۋاپكەرشٸلٸكتٸڭ ايقىن بەلگٸسٸ بولدى.
«بٸز بٷگٸن تامدى اۋىلىنىڭ بەلسەندٸ ەجەلەرٸ, انالارى بولىپ ٶز كەلٸندەرٸمٸزدٸ ەرتٸپ رەفەرەندۋمعا كەلدٸك. ەلٸمٸزدٸڭ جارقىن بولاشاعى ٷشٸن داۋىس بەردٸك. سٶزٸمٸزدٸ جەرگە تاستامايع سوڭىمزدان ەرٸپ, ٸزٸمٸزدٸ باسىپ كەلە جاتقان كەلٸندەرگە ريزاشىلىعىمىزدى بٸلدٸرەمٸز. ەلٸمٸز امان, جۇرتىمىز تىنىش بولسىن», - دەپ تٸلەگٸن اق جاۋلىقتى انا اققاعاز تەجٸعۇلوۆا بٸلدٸردٸ.
داۋىس بەرۋ ۋچاسكەسٸندەگٸ كٶرٸنٸس ەرەكشە ەسەر قالدىردى. مەرەكەلٸك كٶڭٸل-كٷي, جىلى جٷزدەسۋ, شىنايى كٷلكٸ مەن قۋانىش اتموسفەرانى ودان ەرٸ جانداندىرا تٷستٸ. مۇنداي سەتتەر ازاماتتىق بەلسەندٸلٸكتٸڭ تەك مٸندەت قانا ەمەس, قوعامدى بٸرٸكتٸرەتٸن ماڭىزدى قۇندىلىق ەكەنٸن كٶرسەتەدٸ.
اقتٶبەلٸكتەر وسىلايشا ەل بولاشاعىنا بەيجاي قارامايتىنىن تاعى بٸر مەرتە دەلەلدەپ, ورتاق جاۋاپكەرشٸلٸكتٸ سەزٸنۋدٸڭ ٷلگٸسٸن كٶرسەتتٸ.
