Premer-mınıstr Oljas Bektenov jalpyhalyqtyq referendým qorytyndysyna baılanysty qazaqstandyqtarǵa úndeý jasady, dep habarlaıdy Dalanews.kz.
Úkimet basshysy óz málimdemesinde eldiń Qasym-Jomart Toqaevtyń basshylyǵymen damýdyń jańa kezeńine qadam basqanyn atap ótti.
“Keshe jalpyhalyqtyq referendýmda Qazaqstan azamattary aýyzbirshilik pen naǵyz otanshyldyqtyń úlgisin kórsetip, Memleket basshysynyń aýqymdy saıası jáne áleýmettik-ekonomıkalyq reformalaryna jappaı qoldaýyn bildirdi.
Biz sizdermen birge aýqymy men mán-mańyzy turǵysynan el taǵdyryna qatysty tarıhı oqıǵanyń tikeleı kýágeri boldyq.
Prezıdentimiz atap ótkendeı, qazaqstandyqtar jańarý men jańǵyrý úshin daýys berip, memlekettigimizdi nyǵaıtýǵa óz úlesterin qosty”, — dedi ol.
Sondaı-aq Oljas Bektenov elimizdiń jańa tarıhy ulttyq dástúrler men mádenı qundylyqtardy dáripteı otyryp, demokratıalyq qaǵıdattar negizinde qalyptasyp jatqanyn jetkizdi.
“Júrgizilip jatqan ózgeristerdiń sapasy men damý qarqynyn qamtamasyz ete otyryp, bárimiz birge alǵa qoıylǵan maqsat-mindetterge qol jetkizetinimizge senimdimin.
Barsha qazaqstandyqtardy Otanymyzdyń Birligi men Táýelsizdiginiń jáne Egemendiginiń sımvoly bolyp tabylatyn jańa Konstıtýsıanyń qabyldanýymen quttyqtaımyn!”, — dedi Úkimet basshysy.
