Respýblikalyq fizika-matematika mektebiniń FIZMAT ROBOTICS komandasy AQSh-tyń Hiýston qalasynda ótetin álemdegi eń iri robototehnika jarystarynyń biri – FIRST Championship týrnirinde Qazaqstan atynan qatysady, dep habarlaidy Dala News.
FIRST Championship – injeneriia, tehnologiia jáne robototehnika salasyndaǵy mektep oqýshylary arasyndaǵy eń bedeldi halyqaralyq jarystardyń biri. Jyl saiyn bul chempionatqa álemniń túkpir-túkpirinen ondaǵan myń qatysýshy jinalyp, ózderiniń injenerlik jobalaryn tanystyryp, STEM salasyndaǵy basty júldeler úshin baq synaidy.
FIZMAT ROBOTICS komandasy halyqaralyq arenaǵa ekinshi jyl qatarynan shyǵyp otyr. Osy ýaqyt ishinde oqýshylar Qazaqstandy Italiia, Qytai, Túrkiia jáne BAÁ-de ótken týrnirlerde tanystyryp, Ortalyq Aziiadaǵy jáne el ishindegi jarystarǵa da qatysqan.
Jýyrda komanda Alem Tech Fest ortalyqaziialyq kezeńinde birneshe marapatqa ie boldy. Atap aitqanda:
— Control Award – robotty basqarý men baǵdarlamalaý deńgeii úshin;
— Finalist Alliance Partner – jarystyń finaldyq aliansyna shyqqany úshin.
Komanda músheleri robototehnika tek jarys emes, naǵyz komandalyq jumys ekenin aitady. Ár qatysýshy óz baǵytyna jaýap beredi: baǵdarlamalaý, injenerlik sheshimder, oiyn strategiiasy jáne jobany tanystyrý.
Komanda kapitandary Almaz Sagnalin men Alimjan Adaidyń aitýynsha, nátijege jetýdiń basty qupiiasy – birlik pen ózara qoldaý.
Sonymen qatar FIZMAT ROBOTICS músheleri Qazaqstandaǵy robototehnika qozǵalysyn damytýǵa da úles qosyp júr. Olar elimizdiń túrli óńirlerindegi ondaǵan mektep komandalaryna mentorlyq jasap, jas oqýshylarǵa injeneriia men baǵdarlamalaýdyń negizderin úiretedi.
Qazir komanda álem chempionatyna qyzý daiyndyq ústinde. Oqýshylar robottyń konstrýktsiiasyn jetildirip, jańa injenerlik sheshimderdi synap, jarys strategiiasyn pysyqtap jatyr.
Komanda músheleriniń aitýynsha, álem chempionatyna qatysý – tek jarys emes, Qazaqstandy joǵary tehnologiialy elderdiń qataryna qosýǵa degen armanǵa jasalǵan taǵy bir qadam.
