Astanadaǵy JAN PRODUCTION kompaniiasynyń ondaǵan qyzmetkeri birneshe aidan beri jalaqylaryn ala almai júrgenin málimdedi, dep habarlaidy Dala News.
Qyzmetkerlerdiń aitýynsha, qańtar jáne aqpan ailaryndaǵy eńbekaqy áli tólenbegen, al keshigý merzimi eki aidan asyp ketken. Bastapqyda kompaniia ókilderi shottardyń buǵattalǵanyn, keiin investordyń aýrýhanada jatqanyn aityp, tólemderdiń keiinirek jasalatynyn jetkizgen.
Alaida qyzmetkerlerdiń aitýynsha, 30-dan astam adam jalaqysyn ala almai qalǵan.
Keiin qyzmetkerler keńsege baryp túsinikteme almaq bolǵanymen, olardyń aitýynsha, keńse esigi ishinen jabylyp, eshkim shyqpaǵan. Osydan keiin olar politsiia shaqyryp, jalaqy tólenbegenin tirkeý úshin ujymdyq aryz jazǵan.
Sondai-aq qyzmetkerlerge notarialdyq kepildik hat beriletini aitylǵan, biraq berilgen qujatta naqty tólem merzimi kórsetilmegen.
Qyzmetkerlerdiń aitýynsha, keiin kompaniia jumys kesteleri men esepteri saqtalǵan kesteden olardy óshirip tastaǵan. Qazir qyzmetkerler kompaniia bankrot jariialaýy múmkin degen aqparattan alańdap otyr.
Eńbek ujymy kompaniia basshylyǵy barlyq mindettemelerin oryndap, jalaqyny tolyq tóleidi degen úmitte.
