Tarihi tamyrlarymyz ben tulǵalar jaily jas urpaqqa maǵlumat berip, mýzei qorynda kózdiń qarashyǵyndai saqtalyp kele jatqan tól muralardy nasihattaýǵa arnalǵan dáristi qoryq-mýzeidiń qyzmetkeri Ardaq Beisenova júrgizdi.
– Tarihymyz ben muralarymyzdy urpaq sanasyna sińirip, álipbidei jattatý ótkenimizge qurmet, al bolashaqqa amanatymyz bolary anyq. Elbasy Nursultan Ábishulynyń da san qyrly baǵdarlamalyq maqalalarynyń túp tamyry osy jaitty kókseidi. Babalar júrip ótken sara jol, urpaq úshin dara jol bop qalýy tiis. Ótkenniń tarihyn, izin, syryn uǵynbai tarihqa táý etip, ulylarǵa bas idik deýimiz orynsyz. «Áziret Sultan» memlekettik tarihi-mádeni qoryq-mýzeii maqsat etken sharanyń da máni osy. Elbasy maqalasynyń mazmunyn ulylar tarihyn dáriptei otyryp jetkizý, – deidi Ardaq Beisenova.
Tarihi dáris barysynda qazaq hany, uly memleket qairatkeri, qolbasshy jáne diplomat Abylai han jaily málimetter aitylyp, oqýshylar pikiri de nazarǵa alyndy.
Abylai han (shyn esimi Ábilmansur) – 1711-1781jyldary ómir súrgen. Arǵy tegi Joshy han, bergi babalary Qazaq dalasynyń negizin salǵan Áz-Jánibek, odan soń Eńsegei boily Er Esim, Salqam Jáńgir han. Abylai – Jáńgir hannyń besinshi urpaǵy.
"Áziret Sultan" memlekettik tarihi-mádeni qoryq-mýzeiiniń baspasóz qyzmeti
