Kún tártibinde bas bostandyǵynan aıyrý mekemelerinen bosaǵan jáne shartty túrde synaq merzimin alǵan azamattardy áleýmettik qamtý, olardyń qaıta qylmys jasaýyna jol bermeý maqsatynda usynystar ortaǵa salynyp, tıisti mekemelerge hattamalyq tapsyrmalar berildi.
Jıyn barysynda aýdandyq probasıa bóliminiń basshysy, ádilet kapıtany B.Kógenbaı men aýdandyq halyqty jumyspen qamtý ortalyǵynyń dırektory Á.Jumadilaevtyń esebi tyńdalyp, usynystary qaraldy. Sondaı-aq, aýdan ákiminiń orynbasary A.Eshanqulova mekeme basshylarynyń aldaǵy josparlaryn aıqyndap, atqarylýy kerek jumystarǵa baǵyt kórsetti.
Aıta keteıik, jyl basynan beri Maqtaaral aýdandyq probasıa qyzmetiniń esebinen ótken 370 sotty bolǵan azamatqa 1189 áleýmettik-quqyqtyq kómek kórsetilgen. Sondaı-aq, 2 azamatqa medısınalyq emdeý, 368 azamatqa psıhologıalyq kómek kórsetilse, 13 azamattyń arnaıy mamandandyrylǵan orta bilim aýlyna járdem berilgen.
Budan bólek, sotty bolǵan 203 azamat jumysqa ornalastyrylǵan, 17 azamatqa aýdandyq halyqty jumyspen qamtý jáne áleýmettik baǵdarlama bólimi tarapynan ártúrli kómekter kórsetilgen. Sondaı-aq, 586 azamatqa basqa da kómekter kórsetilgen.
Maqtaaral aýdany ákiminiń baspasóz qyzmeti
