ماقتاارال اۋدانىندا پروباسيا ماسەلەلەرى بويىنشا ءماجىلىس ءوتتى. جيىنعا اۋدان اكىمىنىڭ ورىنباسارى ا.ەشانقۇلوۆا، كەنتتەر مەن اۋىلدىق وكرۋگتەردىڭ اكىمدەرى، اۋداندىق دەربەس ءبولىم باسشىلارى جانە قۇقىق قورعاۋ ورگاندارىنىڭ وكىلدەرى قاتىستى.

كۇن تارتىبىندە باس بوستاندىعىنان ايىرۋ مەكەمەلەرىنەن بوساعان جانە شارتتى تۇردە سىناق مەرزىمىن العان ازاماتتاردى الەۋمەتتىك قامتۋ، ولاردىڭ قايتا قىلمىس جاساۋىنا جول بەرمەۋ ماقساتىندا ۇسىنىستار ورتاعا سالىنىپ، ءتيىستى مەكەمەلەرگە حاتتامالىق تاپسىرمالار بەرىلدى.

جيىن بارىسىندا اۋداندىق پروباسيا ءبولىمىنىڭ باسشىسى، ادىلەت كاپيتانى ب.كوگەنباي مەن اۋداندىق حالىقتى جۇمىسپەن قامتۋ ورتالىعىنىڭ ديرەكتورى ءا.جۇمادىلايەۆتىڭ ەسەبى تىڭدالىپ، ۇسىنىستارى قارالدى. سونداي-اق، اۋدان اكىمىنىڭ ورىنباسارى ا.ەشانقۇلوۆا مەكەمە باسشىلارىنىڭ الداعى جوسپارلارىن ايقىنداپ، اتقارىلۋى كەرەك جۇمىستارعا باعىت كورسەتتى.

ايتا كەتەيىك، جىل باسىنان بەرى ماقتاارال اۋداندىق پروباسيا قىزمەتىنىڭ ەسەبىنەن  وتكەن 370 سوتتى بولعان ازاماتقا 1189 الەۋمەتتىك-قۇقىقتىق كومەك كورسەتىلگەن. سونداي-اق، 2 ازاماتقا مەديسينالىق ەمدەۋ، 368 ازاماتقا پسيحولوگيالىق كومەك كورسەتىلسە، 13 ازاماتتىڭ ارنايى مامانداندىرىلعان ورتا ءبىلىم اۋلىنا جاردەم بەرىلگەن.

بۇدان بولەك، سوتتى بولعان 203 ازامات جۇمىسقا ورنالاستىرىلعان، 17 ازاماتقا اۋداندىق حالىقتى جۇمىسپەن قامتۋ جانە الەۋمەتتىك باعدارلاما ءبولىمى تاراپىنان ءارتۇرلى كومەكتەر كورسەتىلگەن. سونداي-اق، 586 ازاماتقا باسقا دا كومەكتەر كورسەتىلگەن.

 

ماقتاارال اۋدانى اكىمىنىڭ باسپا ءسوز قىزمەتى