Búgin Túrkistanda 1 maýsym – Halyqaralyq balalardy qorǵaý kúni atalyp ótti. «Baqytty balalyq shaq» merekelik is-sharasyna oblys ákimi Darhan Satybaldy qatysyp, balalarmen birge kórme men kontserttik baǵdarlamany tamashalady, dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
– Balalarǵa qamqorlyq pen tolyqqandy tulǵa bolyp qalyptasýyna jaǵdai jasaý – memlekettiń áleýmettik saiasatynyń negizgi jáne basym baǵyttarynyń biri. Qazaqstan Prezidenti Qasym-Jomart Toqaev Joldaýlarynda balalarǵa jaǵdai jasaý, olardyń sapaly bilim alýyna qoldaý kórsetý týraly únemi aityp keledi. Búgingi bala – eldiń erteńi, bolashaǵy, ulttyń jalǵasy. Balalarǵa jaǵdai jasaý úshin oblysta densaýlyq saqtaý, bilim berý, áleýmettik qoldaý, infraqurylym baǵytynda naqty sharalar qolǵa alynyp, júieli jumystar atqarylyp jatyr. Osy jumystar nátijesinde biylǵy oqý jylyn oblys oqýshylary úlken jetistiktermen aiaqtady. Halyqaralyq, respýblikalyq, ǵylymi joba baiqaýlary men pán olimpiadalarynda daryndy balalarymyz 23 altyn, 17 kúmis, 20 qola medalǵa qol jetkizidi. Bul – bizdiń óńirde talantty, bilimdi, jigerli balalar ósip kele jatqanynyń belgisi.
Qymbatty balalar! Sizderge myqty densaýlyq, beibit ómir, baqytty balalyq shaq tileimin. Jazǵy demalystaryńyzdyń qyzyqty ótýine shyn júrekten tilektestigimdi bildiremin, – degen óńir basshysy halyqaralyq, respýblikalyq baiqaýlardyń, olimpiadalardyń, sporttyq jarystardyń jeńimpazdaryn marapattady. Sondai-aq qarjylai syiaqy sertifikaty tapsyryldy.
Elimiz boiynsha jańa mektepter ashý jóninen de óńir aldyńǵy qatarda. Memleket basshysynyń «Jaily mektep» ulttyq pilottyq jobasyn iske asyrý sheńberinde 2023-2025 jyldary bizdiń óńirde 63 mekteptiń qurylysyn salý josparlanǵan. Biylǵy jazǵy demalysty tiimdi ótkizý maqsatynda oblystyq biýdjetten 2,6 mlrd teńge bólindi. Jazǵy saýyqtyrý lagerlerinde 35 myńnan astam oqýshy biýdjet esebinen tegin, «Qazaqstan halqyna» qory esebinen 3421 oqýshy jazǵy saýyqtyrý lagerlerimen tegin qamtylady. Bul maýsymnyń taǵy bir ereksheligi alǵash ret lagerinde shatyrly jáne etno lager uiymdastyrylady.
«Kerýen sarai» týristik kesheninde ótken jiynda taqyryptyq kórme jasaqtalǵan. 500 oqýshydan quralǵan dombyrashylar bir mezette kúi tartty. Balalardyń qoldanbaly óner baǵytyndaǵy shyǵarmashylyq jumystarynyń jármeńkesi ótti. «Shymkent-tsirk» mekemesi pen Qýyrshaq teatrynyń merekelik qoiylymy kórsetildi. «Kitaptar jazy» kórmesi jáne «Farab» kitaphanasynyń balalarǵa arnalǵan kitaptar kórmesi jasaqtaldy. «Drone challenge» jáne «Robo fest» kórmesi de mereke sánin kirgizdi.
Kolledj stýdentteriniń óz qoldarynan jasalǵan ulttyq kiim úlgilerinen úzdik «Defile» toptamasy kópshilik nazaryna usynyldy. Mektep oqýshylary arasynda «Intellektýaldy ult» shahmat, doiby oiyndarynan kórsetilimdik saiys ótkizildi. «Aibyn» áskeri-patriottyq qozǵalysynyń oqýshylarynan quralǵan úzdik is-qimyldar kórsetildi. Balalar úshin akvagrim uiymdastyryldy. Aýdan, qalalardan kelgen úzdik sýretshi balalardyń «Túrkistan balalar kózimen» kórkemsýret galereiasy usynyldy.
Merekelik is-shara kontserttik baǵdaralamaǵa ulasty. Shámshi Qaldaiaqov atyndaǵy oblystyq filarmoniia ónerpazdarymen birge «Aqjaiyq» mýzyka mektebiniń talanttary óner kórsetti. Sonymen qatar jalpy oblystyń daryndy balalary da keshke atsalysty.
Aita keteiik, oblys halqynyń 38%-y balalar, olardyń 155-myńnan astamy baqshada, 520 myńy mektepte bilim alýda. Elimizdegi árbir 7-shi oqýshy Túrkistan oblysynda. Bul respýblikadaǵy eń úlken kórsetkish. Óńirde balalardyń jan-jaqty damýyna jaǵdai jasalýda. Balabaqsha, mektep, «Oqýshylar saraiy», túrli óner jáne sport úiirmeleri jumys istep tur.
