Batys Qazaqstan oblysynda sý tasqynynan zardap shekken turǵyndarǵa áleýmettik kómek berý jalǵasýda, dep habarlaidy Dalanews.kz BQO ákimdiginiń baspasóz qyzmetine silteme jasap.
Búginde Batys Qazaqstan oblysy boiynsha sý tasqynynan zardap shekken 9671 otbasyǵa 3 mlrd. 570 mln teńge 100 ailyq eseptik kórsetkish kóleminde bir jolǵy áleýmettik kómek berildi.
Qazirgi ýaqytta turǵyndarǵa 150 ailyq eseptik kórsetkish kólemindegi áleýmettik tólemderdi berý jumystary jalǵasýda. Búginde 1 myńǵa jýyq otbasy atalǵan áleýmettik kómekti aldy.
Sý tasqynynan zardap shekken 5 aýdannyń turǵyndary úshin 401 úidiń qurylysy júrip jatyr. Tiisti merdiger kompaniialar anyqtaldy.
«Memleket basshysynyń tapsyrmasy aiasynda sý tasqynynan zardap shekken turǵyndarǵa jan-jaqty qoldaý kórsetilýde. Turǵyn úileri jaramsyz bolǵan 3 aýdan boiynsha úi satyp alýǵa 79 ótinish túsken. Búgingi kúnge deiin atalǵan aýdandar boiynsha 567 mln teńgege 27 úi satyp alyndy. Satyp alý jumystary jalǵasady. Qurylys jumystarynyń sapasy men ýaqytyly aiaqtalýyn da tikelei baqylaýda ustap otyrmyz»- dedi oblys ákimi Nariman Tóreǵaliev.
Budan bólek, Oral qalasyndaǵy saiajai turǵyndary tarapynan týyndaityn quqyqtyq máseleler boiynsha arnaiy jedel top jumys isteýde.
Qazirgi ýakytta saiajailardaǵy shyǵyndardy esepteý jónindegi komissiia shtattyq rejimde jumys istep, baǵalaý jumystaryn júrgizýde.
