باتىس قازاقستان وبلىسىندا سۋ تاسقىنىنان زارداپ شەككەن تۇرعىندارعا الەۋمەتتىك كومەك بەرۋ جالعاسۋدا، دەپ حابارلايدى Dalanews.kz  بقو اكىمدىگىنىڭ باسپا ءسوز قىزمەتىنە سىلتەمە جاساپ.

بۇگىندە باتىس قازاقستان وبلىسى بويىنشا سۋ تاسقىنىنان زارداپ شەككەن 9671 وتباسىعا 3 ملرد. 570 ملن تەڭگە 100 ايلىق ەسەپتىك كورسەتكىش كولەمىندە ءبىر جولعى الەۋمەتتىك كومەك بەرىلدى.

قازىرگى ۋاقىتتا تۇرعىندارعا 150 ايلىق ەسەپتىك كورسەتكىش كولەمىندەگى الەۋمەتتىك تولەمدەردى بەرۋ جۇمىستارى جالعاسۋدا. بۇگىندە 1 مىڭعا جۋىق وتباسى اتالعان الەۋمەتتىك كومەكتى الدى.

سۋ تاسقىنىنان زارداپ شەككەن 5 اۋداننىڭ تۇرعىندارى ءۇشىن 401 ءۇيدىڭ قۇرىلىسى ءجۇرىپ جاتىر. ءتيىستى مەردىگەر كومپانيالار انىقتالدى.

«مەملەكەت باسشىسىنىڭ تاپسىرماسى اياسىندا سۋ تاسقىنىنان زارداپ شەككەن تۇرعىندارعا جان-جاقتى قولداۋ كورسەتىلۋدە. تۇرعىن ۇيلەرى جارامسىز بولعان 3 اۋدان بويىنشا ءۇي ساتىپ الۋعا 79 ءوتىنىش تۇسكەن. بۇگىنگى كۇنگە دەيىن اتالعان اۋداندار بويىنشا 567 ملن تەڭگەگە 27 ءۇي ساتىپ الىندى. ساتىپ الۋ جۇمىستارى جالعاسادى. قۇرىلىس جۇمىستارىنىڭ ساپاسى مەن ۋاقىتىلى اياقتالۋىن دا تىكەلەي باقىلاۋدا ۇستاپ وتىرمىز»- دەدى وبلىس اكىمى ناريمان تورەعالييەۆ.

بۇدان بولەك، ورال قالاسىنداعى ساياجاي تۇرعىندارى تاراپىنان تۋىندايتىن قۇقىقتىق ماسەلەلەر بويىنشا ارنايى جەدەل توپ جۇمىس ىستەۋدە.

قازىرگى ۋاكىتتا ساياجايلارداعى شىعىنداردى ەسەپتەۋ جونىندەگى كوميسسيا شتاتتىق رەجيمدە جۇمىس ىستەپ، باعالاۋ جۇمىستارىن جۇرگىزۋدە.