كەڭەس وداعى باتىرىنىڭ ۇلى اناتوليي بيريۋكوۆ بٸر كەزدەرٸ مەسكەۋ مەن چەحوۆ قالالارىنىڭ تۇرعىندارىن ٷرەيدە ۇستاعان قىلمىسكەر رەتٸندە تاريحتا قالدى. كەيٸن "بالالار اڭشىسى" دەگەن لاقاپ اتقا يە بولعان ول قىسقا ۋاقىت ٸشٸندە بٸرنەشە سەبيدٸڭ ٶمٸرٸن قيعان. قىلمىسكەردٸ ٸزدەۋگە مەسكەۋ پوليتسيياسىنىڭ ٷلكەن كٷشٸ جۇمىلدىرىلدى. ال ونىڭ ۇستالعانى گەنەرال-لەيتەنانت, كەڭەس وداعىنىڭ باتىرى نيكولاي بيريۋكوۆ ٷشٸن اۋىر سوققى بولدى, دەپ حابارلايدى dalanews.kz.
اناتوليي بيريۋكوۆ 1939 جىلى مەسكەۋ وبلىسىنداعى چەحوۆ قالاسىندا دٷنيەگە كەلگەن. ونىڭ ەكەسٸ نيكولاي بيريۋكوۆ ۇلى وتان سوعىسىنىڭ ارداگەرٸ, گەنەرال-لەيتەنانت ەرٸ كەڭەس وداعىنىڭ باتىرى بولعان. ول ۇلىن قاتال تەرتٸپپەن تەربيەلەپ, بولاشاعىنان ٷلكەن ٷمٸت كٷتكەن.
الايدا اناتولييدٸڭ بالالىق شاعىندا بولعان بٸر وقيعا ونىڭ تاعدىرىنا قاتتى ەسەر ەتتٸ. سەگٸز جاسىندا ەكەسٸنٸڭ پاتروندارىن بٶلشەكتەمەك بولعان كەزدە جارىلىس بولىپ, بالا اۋىر جاراقات الادى. سول جاراقاتتان كەيٸن ونىڭ بەتٸندە ٶمٸر بويى كەتپەيتٸن تىرتىق قالادى. كەيٸن ول بۇل تىرتىقتى ادامدارعا قايناعان سۋعا كٷيٸپ قالعانىنان دەپ تٷسٸندٸرٸپ جٷرگەن.
وسى وقيعادان كەيٸن اينالاسىنداعىلاردىڭ مازاعى كٶبەيٸپ, اناتوليي تۇيىق بولا باستايدى. ادامدارمەن ارالاسۋدان قاشقاقتاپ, ٶز ەلەمٸنە جابىلادى. سوعان قاراماستان مەكتەپتە جاقسى وقىپ, مۇعالٸمدەرٸنٸڭ ماقتاۋىنا يە بولعان. كەيٸن ەكەسٸنٸڭ ەسكەري جولىن جالعاستىرماي, سلەسار ماماندىعىن تاڭداعان. قۇرىلىس سالاسىندا ەڭبەك ەتٸپ, وتباسىن قۇرىپ, ەكٸ قىزدىڭ ەكەسٸ اتانعان.
بيريۋكوۆتىڭ بالالارعا قاتىستى قاۋٸپتٸ ەرەكەتتەرٸ 1971 جىلى بايقالا باستاعان. سول كەزدە ول بالالار ەمحاناسىنىڭ جانىندا تۇرعان اربامەن بٸرگە سەبيدٸ الىپ كەتۋگە ەرەكەتتەنگەن. اناسى دەر كەزٸندە بايقاپ, كٶمەك سۇراعاننان كەيٸن ەر ادام ۇستالادى. الايدا ول بۇل ەرەكەتٸن "قاراۋسىز قالعان بالاعا ساباق بولسىن دەپ جاسادىم" دەپ تٷسٸندٸرگەن. پوليتسەيلەر ونىڭ سٶزٸنە سەنٸپ, بوساتىپ جٸبەرەدٸ.
بٸر جىلدان كەيٸن ول تاعى دا بالانى ۇرلاماق بولعان كەزدە قولعا تٷسكەن. كەي دەرەكتەردە ونىڭ ٷش جىلعا سوتتالعانى ايتىلسا, باسقا مەلٸمەتتەردە جازادان قۇتىلىپ كەتكەنٸ كٶرسەتٸلەدٸ. وسى وقيعادان كەيٸن ەيەلٸ ونىمەن اجىراسىپ كەتكەن.
1977 جىلدىڭ كٷزٸندە مەسكەۋدە جانتٷرشٸگەرلٸك قىلمىستار تٸزبەگٸ باستالدى. العاشقى قۇربانداردىڭ بٸرٸ ٷش ايلىق سەبي بولدى. قىلمىسكەر بالانى قاراۋسىز تۇرعان اربادان الىپ كەتٸپ, كەيٸن ونى ٶلتٸرٸپ تاستاعان.
اراعا بٸرنەشە كٷن سالىپ تاعى بٸر سەبي جوعالدى. بٸر ايدان كەيٸن ونىڭ دەنەسٸ تابىلدى. تەرگەۋشٸلەر ەكٸ وقيعانىڭ دا بٸر ادامنىڭ قولىمەن جاسالعانىن تٷسٸنگەنٸمەن, ناقتى كٷدٸكتٸنٸ بٸردەن انىقتاي المادى.
كەيٸن تاعى بٸر بالا ۇرلانىپ, كٶپ ۇزاماي ٶلٸ كٷيٸندە تابىلدى. وسىدان كەيٸن مەسكەۋدە اتا-انالار بالالارىن قاراۋسىز قالدىرۋدان قورقىپ, قالا تۇرعىندارى اراسىندا ٷرەي كٷشەيدٸ.
پوليتسييا كٷدٸكتٸنٸڭ فوتوروبوتىن جاساپ, ٸزدەۋ جۇمىستارىن كٷشەيتتٸ. مۇنى سەزگەن بيريۋكوۆ قىلمىستارىن تۋعان جەرٸ چەحوۆتا جالعاستىرۋعا تىرىسقان. وندا دا ەكٸ سەبي جوعالىپ, كەيٸن ٶلٸ كٷيٸندە تابىلعان.
1977 جىلدىڭ 21 قازانىندا ول تاعى بٸر بالانى الىپ قاشپاق بولعان كەزدە اناسى بايقاپ قالىپ, ايعاي كٶتەرەدٸ. قۋعىننان قۇتىلۋ ٷشٸن بيريۋكوۆ سەبيدٸ جەرگە تاستاپ, قاشىپ كەتەدٸ. ابىروي بولعاندا, بالا امان قالعان. ال كۋەگەرلەر قىلمىسكەردٸڭ تٷرٸن انىق كٶرٸپ ٷلگەرگەن.
وسى وقيعادان كەيٸن جاسالعان فوتوروبوت تەرگەۋشٸلەردٸ ناقتى كٷدٸكتٸگە الىپ كەلدٸ. كٶپ ۇزاماي پوليتسييا بيريۋكوۆ جۇمىس ٸستەيتٸن قۇرىلىس مەكەمەسٸنە بارىپ, ونىڭ جەكە باسىن انىقتادى. قىلمىسكەر سول كٷنٸ ٶز ٷيٸندە ۇستالدى.
تەرگەۋ كەزٸندە اناتوليي بيريۋكوۆ بەس سەبيدٸ ٶلتٸرگەنٸن مويىنداعان. ول جاساعان قىلمىستارىن ەگجەي-تەگجەيلٸ ايتىپ بەرگەن.
العاشىندا بيريۋكوۆ ەكەسٸ ٶزٸن قۇتقارىپ قالادى دەپ سەنگەن. نيكولاي بيريۋكوۆ تا باستاپقىدا ۇلىنىڭ مۇنداي اۋىر قىلمىسقا بارعانىنا سەنگٸسٸ كەلمەي, وعان تەجٸريبەلٸ ادۆوكات جالداعان. بٸراق سوت بارىسىندا دەلەلدەر تولىق راستالعاننان كەيٸن گەنەرال كٶپشٸلٸك الدىندا ۇلىنان باس تارتتى.
سوت-پسيحياترييالىق ساراپتاما اناتوليي بيريۋكوۆتى ەسٸ دۇرىس دەپ تانىدى. سوت ونى ٶلٸم جازاسىنا كەستٸ. قىلمىسكەر بٸرنەشە رەت ٶز-ٶزٸنە قول جۇمساماق بولعانىمەن, ەرەكەتتەرٸ سەتسٸز اياقتالعان. كەيٸن تٷرلٸ ورگاندارعا كەشٸرٸم سۇراپ ٶتٸنٸش جازعان, بٸراق بەرٸ قاناعاتتاندىرىلمادى.
اناتوليي بيريۋكوۆ 1979 جىلدىڭ 24 اقپانىندا اتىلدى. ول 40 جاسقا تولعاننان كەيٸن كٶپ ۇزاماي ٶلٸم جازاسىنا كەسٸلگەن.
