Túrkistan qalasyndaǵy «Áziret Sultan» halyqaralyq áýejaıy arqyly qazirgi ýaqytta Ystambul, Kýveıt, Abý-Dabı jáne respýblıkaishilik Astana, Almaty, Aqtaý, Aqtóbe, Oral, Qostanaı áýe reısteri qatynaıdy. Reısterdi «Turkish Airlines», «Jazeera Airways», «Wizz Air Abu Dhabi», «Fly Arystan», «Scat» jáne «Qazaq Air» áýekompanıalary oryndaıdy, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.
2024 jyldyń 8 aıynda áýejaı arqyly 197 300 jolaýshy qatynaǵan. Onyń ishinde halyqaralyq reısterge – 54 900 jolaýshy, ishki reısterge – 142 400 jolaýshy ushqan. Al júk tasymaly bıyl 487,6 tonnaǵa jetip, ótken jyldyń osy kezeńimen salystyrǵanda 11 esege artqan.
Túrkistan qalasynan Antalıa, Samarqand, Máskeý, Baký, Úrimshi qalalaryna áýe reısterin ashý boıynsha «Fly Arystan», «Centrum Air», «Fly Khiva» áýekompanıalarymen kelissózder júrgizilýde. Sonymen qatar, Astana jáne Almaty baǵyttaryna reıster sanyn kóbeıtý josparlanýda.
