Túrkistan qalasynda jańadan boi kótergen «Dostyq úiinde» oblystyq «Yntymaq» etnomádeni birlestiginiń uiymdastyrýymen «Etnostardyń tili, mádenieti jáne salt-dástúrleri kúni» atalyp ótti, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Elimizdegi turaqtylyqty, qazaqstandyq biregeilik pen birlikti nyǵaitý maqsatynda ótken sharaǵa oblystyq QHA músheleri, oblystyq etnomádeni birlestikter ókilderi, sondai-aq Qyrǵyzstan, Túrikmenstan, Aýǵanstan, Daǵystannan kelgen meimandar, «Assambleia jastary» RQB-niń Túrkistan oblystyq ókildiginiń músheleri, Qoja Ahmet Iasaýi atyndaǵy HQTÝ-niń stýdentteri qatysty.
Merekelik is-sharaǵa Túrkistan oblystyq «Yntymaq» etnomádeni qoǵamdyq birlestiginiń tóraiymy Gúlbaram Malbaeva moderatorlyq etti.
Is-sharaǵa qatysýshylar aldymen etnomádeni qoǵamdyq birlestiktiń arnaiy ázirlegen kórmesimen tanysty.
Sharanyń ashylýynda quttyqtaý sóz sóilegen «Qoǵamdyq kelisim» KMM basshysynyń orynbasary Ernazar Baetov, oblystyq QHA janyndaǵy Analar keńesiniń tóraiymy Gúlsara Toqqulova, Qoja Ahmet Iasaýi atyndaǵy HQTÝ-niń vitse-rektory Edil Tólegenov birlikti bekemdegen jiynnyń mańyzdylyǵyna toqtalyp, qoǵamdyq kelisim men turaqtylyq – bizdiń basty ustanymymyz bolýy tiis ekendigin aityp ótti.
Saltanatty jiyn barysynda «Yntymaq» etnomádeni birlestiginiń múshesi, Qyrǵyz elinen kelgen Aqynali qyzy Aqmaral,
Aýǵanstannan kelgen Alemah Alem, Túrkmenstannan kelgen Lachyn Halmýminova izgi lebizderin bildirip, Qazaqstanda árbir etnostyń óz tili men mádenietin saqtaýyna jáne damytýyna barlyq jaǵdai jasalǵany úshin alǵysyn jetkizdi.
Merekelik shara kontserttik baǵdarlamaǵa ulasyp, eldiń yntymaǵy men birligin nyǵaitýǵa úles qosyp júrgen etnomádeni birlestik ókilderi, QHA músheleri Túrkistan oblysy qoǵamdyq damý basqarmasy
«Qoǵamdyq kelisim» KMM-niń basshysy Elmira Janǵazievanyń atynan Alǵys hattarmen marapattaldy.
Tatýlyqty tý etken taǵylymdy sharada patriottyq ánder shyrqalyp, jinalǵan jurtshylyq berekeli birlikti dáriptegen jiynnan erekshe áser alyp tarqasty.
