Ál-Farabi atyndaǵy Qazaq ulttyq ýniversitetinde stýdentter men qyzmetkerlerdiń jeke derekteri, onyń ishinde meditsinalyq qupiiaǵa jatatyn málimetteri taralǵany belgili boldy. Bul týraly ýniversitet kýrator-edvaizerleriniń biri málimdedi, dep habarlaidy Dalanews.kz redaktsiiasy Ulysmedia.kz-ke silteme jasap.
Onyń aitýynsha, keiingi ýaqytta fakýltetter deńgeiinde kýratorlar chatyna «monitoring» túrinde túrli aqparattar jiberilip, olar ári qarai stýdentterge eshbir súzgisiz taratylýda.
"Atalǵan materialdardyń ishinde stýdentter men qyzmetkerlerdiń jeke derekteri, sonyń ishinde meditsinalyq qupiiaǵa jatatyn málimetter (mysaly, ginekologiialyq sipattaǵy diagnozdar, júktilikke qatysty jaǵdailar jáne ózge de jeke aqparattar) tolyq aty-jónimen birge ashyq kórsetilgen.Bul tek etikalyq normalardyń buzylýy ǵana emes, sonymen qatar azamattardyń jeke ómirine qol suǵý bolyp tabylady. Mundai aqparattardyń ashyq chattarda taralýy adamdardyń ar-namysy men qadir-qasietine nuqsan keltirip, psihologiialyq ziian keltirýi múmkin", – deidi ýniversitet qyzmetkeri.
Onyń sózinshe, bul jaǵdai birinshi ret emes. Buǵan deiin de stýdentterdiń jeke, tipti intimdik sipattaǵy málimetteri jariia túrde taratylǵan jaǵdailar bolǵan.
"Kýratorlar chattarǵa kelgen aqparatty stýdentterdiń chattaryna joldaidy, qosymsha jumys atqarǵylary kelmeidi, sebebi kýratorlyq jumysy úshi aqy tólenbeidi. Bul jaǵdai qaitalanbas úshin, basshylyqqa qatań jaza qoldanýdy talap etý kerek. Osyny jiberetin basshylyq aqparatty nege elekten ótkizbei jiberedi? Bul aqparat áleýmettik jáne tárbie departamentinen joldanyty anyq", – dep paiymdaidy kýrator.
Atalǵan máselege qoǵam nazaryn aýdarýdy suraǵan ýniversitet qyzmetkeri bul bir oqý ornynyń máselesi emes, jalpy derbes derekterdi qorǵaý mádenietiniń deńgeiine qatysty mańyzdy suraq ekenin aitady.
Ýniversitet basshylyǵynyń jaýaby
Mundai jaǵdaiǵa qalai jol berilgenin, jeke jáne meditsinalyq derekterdiń qorǵalmaýyna kim jaýapty ekenin ýniversitet basshylyǵynan suradyq.
JOO-nyń baspasóz qyzmeti bul oqiǵaǵa qatysty qyzmettik tekseris júrgizilip jatqanyn málimdedi.
"Oqý oryndarynyń stýdentteri men qyzmetkerleriniń jeke derekteriniń qupiialylyǵyn qamtamasyz etý – ýniversitet qyzmetindegi basty talaptardyń biri. Jeke derekterdi óńdeý, saqtaý jáne qorǵaý Qazaqstan Respýblikasynyń "Jeke derekter jáne olardy qorǵaý týraly" zańynyń talaptaryna tolyq sáikes júrgiziledi. Jeke derekterdi sýbektiniń kelisiminsiz nemese zańda qarastyrylǵan basqa da sebeptersiz taratýǵa jol berilmeidi jáne zań boiynsha jaýapkershilik kózdelgen. Ýniversitettiń bastamasymen qazirgi sátte qyzmettik tekserý júrgizilýde", - delingen redaktsiiaǵa joldanǵan jaýapta.
