Qazaqstanda týý kórsetkishi keiingi 16 jyldaǵy eń tómen deńgeige jetti. 2025 jyly ár áiel orta eseppen 2,57 bala dúniege ákelgen, dep habarlaidy Dalanews.kz Qumash.kz-ke silteme jasap.
Sarapshylardyń aitýynsha, jiyntyq týý koeffitsienti – bir áieldiń ómir boiy orta eseppen qansha bala týatynyn kórsetetin negizgi kórsetkish. 2025 jyly bul kórsetkish 2024 jylmen salystyrǵanda 0,23-ke tómendegen. Jalpy, týý deńgeii keiingi tórt jylda azaiǵan. Tek 2021 jyly pandemiia kezinde qysqa merzimdi ósim baiqalǵan.
Byltyr Qazaqstanda shamamen 335 myń bala dúniege kelgen. Bul aldyńǵy jylmen salystyrǵanda 8 paiyz az. Osylaisha eldegi týý deńgeii 2007 jylǵy kórsetkishke qaita jaqyndai tústi.
Bul jaǵdai áielder sanynyń azaiýymen bailanysty emes. Kerisinshe, bala týý jasyndaǵy áielder sany artyp keledi. 2026 jyldyń basynda olardyń sany 4,79 millionǵa jetip, sońǵy 16 jyldaǵy eń joǵary deńgeige shyqqan. Iaǵni áleýetti analar kóbeigenimen, dúniege keletin balalar sany azaiyp otyr.
Sonymen qatar 1000 adamǵa shaqqandaǵy týý kórsetkishi de tómendegen. 2025 jyly bul kórsetkish 16,43 bolyp, sońǵy 23 jyldaǵy eń tómen deńgeige jetti.
Al ólim-jitim deńgeii kerisinshe tómen kúiinde qalyp otyr. Sarapshylar muny Qazaqstannyń demografiialyq ótpeli kezeńge ótkeniniń belgisi dep túsindiredi. Iaǵni adamdar uzaq ómir súre bastady, biraq burynǵyǵa qaraǵanda az bala týýdy jón kóredi. Buǵan qalaǵa kóshý, ómir súrý sapasynyń ózgerýi jáne otbasylyq qundylyqtardyń jańarýy áser etýde.
Qazir Qazaqstan osy demografiialyq ózgeristiń úshinshi kezeńinde tur jáne birtindep kelesi kezeńge jaqyndap keledi. Bul kezde týý men ólim deńgeii teńesip, halyq sanynyń ósýi baiaýlaidy.
Soǵan qaramastan, el halqy áli de ósip jatyr. 2025 jyldyń qorytyndysynda Qazaqstan halqy 20,5 million adamǵa jetti. Biraq ósim qarqyny baiaýlaǵan – jyldyq ósim nebári 1,1 paiyzdy qurap, sońǵy 20 jyldaǵy eń tómen kórsetkishterdiń biri boldy.
