قازاقستاندا تۋۋ كٶرسەتكٸشٸ كەيٸنگٸ 16 جىلداعى ەڭ تٶمەن دەڭگەيگە جەتتٸ. 2025 جىلى ەر ەيەل ورتا ەسەپپەن 2,57 بالا دٷنيەگە ەكەلگەن, دەپ حابارلايدى Dalanews.kz Qumash.kz-كە سٸلتەمە جاساپ.
ساراپشىلاردىڭ ايتۋىنشا, جيىنتىق تۋۋ كوەففيتسيەنتٸ – بٸر ەيەلدٸڭ ٶمٸر بويى ورتا ەسەپپەن قانشا بالا تۋاتىنىن كٶرسەتەتٸن نەگٸزگٸ كٶرسەتكٸش. 2025 جىلى بۇل كٶرسەتكٸش 2024 جىلمەن سالىستىرعاندا 0,23-كە تٶمەندەگەن. جالپى, تۋۋ دەڭگەيٸ كەيٸنگٸ تٶرت جىلدا ازايعان. تەك 2021 جىلى پاندەمييا كەزٸندە قىسقا مەرزٸمدٸ ٶسٸم بايقالعان.
بىلتىر قازاقستاندا شامامەن 335 مىڭ بالا دٷنيەگە كەلگەن. بۇل الدىڭعى جىلمەن سالىستىرعاندا 8 پايىز از. وسىلايشا ەلدەگٸ تۋۋ دەڭگەيٸ 2007 جىلعى كٶرسەتكٸشكە قايتا جاقىنداي تٷستٸ.
بۇل جاعداي ەيەلدەر سانىنىڭ ازايۋىمەن بايلانىستى ەمەس. كەرٸسٸنشە, بالا تۋۋ جاسىنداعى ەيەلدەر سانى ارتىپ كەلەدٸ. 2026 جىلدىڭ باسىندا ولاردىڭ سانى 4,79 ميلليونعا جەتٸپ, سوڭعى 16 جىلداعى ەڭ جوعارى دەڭگەيگە شىققان. ياعني ەلەۋەتتٸ انالار كٶبەيگەنٸمەن, دٷنيەگە كەلەتٸن بالالار سانى ازايىپ وتىر.
سونىمەن قاتار 1000 ادامعا شاققانداعى تۋۋ كٶرسەتكٸشٸ دە تٶمەندەگەن. 2025 جىلى بۇل كٶرسەتكٸش 16,43 بولىپ, سوڭعى 23 جىلداعى ەڭ تٶمەن دەڭگەيگە جەتتٸ.
ال ٶلٸم-جٸتٸم دەڭگەيٸ كەرٸسٸنشە تٶمەن كٷيٸندە قالىپ وتىر. ساراپشىلار مۇنى قازاقستاننىڭ دەموگرافييالىق ٶتپەلٸ كەزەڭگە ٶتكەنٸنٸڭ بەلگٸسٸ دەپ تٷسٸندٸرەدٸ. ياعني ادامدار ۇزاق ٶمٸر سٷرە باستادى, بٸراق بۇرىنعىعا قاراعاندا از بالا تۋۋدى جٶن كٶرەدٸ. بۇعان قالاعا كٶشۋ, ٶمٸر سٷرۋ ساپاسىنىڭ ٶزگەرۋٸ جەنە وتباسىلىق قۇندىلىقتاردىڭ جاڭارۋى ەسەر ەتۋدە.
قازٸر قازاقستان وسى دەموگرافييالىق ٶزگەرٸستٸڭ ٷشٸنشٸ كەزەڭٸندە تۇر جەنە بٸرتٸندەپ كەلەسٸ كەزەڭگە جاقىنداپ كەلەدٸ. بۇل كەزدە تۋۋ مەن ٶلٸم دەڭگەيٸ تەڭەسٸپ, حالىق سانىنىڭ ٶسۋٸ باياۋلايدى.
سوعان قاراماستان, ەل حالقى ەلٸ دە ٶسٸپ جاتىر. 2025 جىلدىڭ قورىتىندىسىندا قازاقستان حالقى 20,5 ميلليون ادامعا جەتتٸ. بٸراق ٶسٸم قارقىنى باياۋلاعان – جىلدىق ٶسٸم نەبەرٸ 1,1 پايىزدى قۇراپ, سوڭعى 20 جىلداعى ەڭ تٶمەن كٶرسەتكٸشتەردٸڭ بٸرٸ بولدى.
