Astanadaǵy turǵyn úılerdiń biriniń aýlasynda masań kúıde bolǵan er adam polısıa qyzmetkerleriniń zańdy talaptaryna baǵynbaı, olarǵa balaǵat sózder aıtyp, ar-namysy men qadir-qasıetine nuqsan keltirgen. Sondaı-aq, qarsylyq kórsetip, olarǵa kúsh qoldanǵan, dep habarlaıdy Dalanews.kz.

Oqıǵa saldarynan polısıa qyzmetkerlerine dene jaraqattary salynǵan.

"Memlekettik aıyptaýshy sotta aıyptalýshynyń kinásin tolyq dáleldeıtin jetkilikti aıǵaqtar usyndy. Sot otyrysynda ol óz kinásin tolyq moıyndap, jasaǵan isine ókinetinin bildirdi", - dep jazylǵan Astana prokýratýrasynyń habarlamasynda.

Sot úkimimen er adam kináli dep tanylyp, oǵan 3 jyl merzimge bas bostandyǵynan aıyrý jazasy taǵaıyndaldy.

Úkim zańdy kúshine endi.

Qala prokýratýrasy bılik ókilderin qorlaý jáne quqyq qorǵaý organdary qyzmetkerlerine kúsh qoldaný qylmystyq jaýapkershilikke ákep soǵatynyn eske saldy.