Halyqty sapaly aýyz sýmen qamtamasyz etý – Qazaqstannyń memlekettik saiasatynyń negizgi baǵyttarynyń biri ári azamattardyń ómir súrý sapasyn arttyrýdyń mańyzdy faktory, dep habarlaidy Dalanews.kz.
2021 jyldan bastap 2026 jyldyń I toqsanyna deiin sýmen jabdyqtaý júiesin damytýǵa 835 mlrd teńgeden astam qarajat baǵyttaldy. Osy kezeńde 34 qala men 756 aýyldyq eldi mekenniń turǵyndary ortalyqtandyrylǵan sýmen jabdyqtaý qyzmetine qol jetkizdi. Budan bólek, 699 aýylda sý tazartýdyń zamanaýi blok-modýldik stantsiialary ornatyldy.
Sýmen jabdyqtaý jelilerin salý jáne rekonstrýktsiialaý, sý alý qurylystaryn jańǵyrtý, sondai-aq infraqurylymdy jańartý boiynsha aýqymdy jobalar iske asyryldy.
Salany júieli damytý maqsatynda «Energetikalyq jáne kommýnaldyq sektorlardy jańǵyrtý» ulttyq jobasy qabyldandy.
Qujat infraqurylymdy keshendi jańǵyrtýdy, tsifrlyq sheshimderdi engizýdi jáne energiia tiimdiligin arttyrýdy kózdeidi. 2030 jylǵa qarai kommýnaldyq jelilerdiń tozýyn 40%-ǵa deiin tómendetý josparlanýda.
Tsifrlandyrý máselesine erekshe nazar aýdarylýda. Sý esepteý quraldary, avtomattandyrylǵan basqarý júieleri (SCADA, ASKÝV) jáne Smart Water elementteri engizilýde. Bul sý shyǵyndaryn azaityp, eseptiń ashyqtyǵyn arttyrýǵa jáne júielerdiń turaqty jumysyn qamtamasyz etýge múmkindik beredi.
Qabyldanyp jatqan sharalar kesheni eldiń árbir turǵynyn sapaly ári senimdi sýmen qamtamasyz etýge baǵyttalǵan.
