Qazaqstanda LGBT nasihatyna bailanysty ázirge eshkim jaýapkershilikke tartylmaǵan. Bul týraly Májilis kýlýarynda Aqparat jáne qoǵamdyq damý vitse-ministri Evgenii Kochetov málimdedi, dep habarlaidy Dalanews.kz.
Onyń aitýynsha, Mádeniet jáne aqparat ministrligi bul baǵytta turaqty túrde monitoring júrgizip keledi. Alaida osy ýaqytqa deiin zań normasy aiasynda naqty quqyqbuzýshylyq derekteri tirkelmegen.
Kochetov keibir úkimettik emes uiymdardyń alańdaýshylyǵy negizsiz bolǵanyn atap ótti. Onyń sózinshe, jańa norma aqparattyq keńistikte túbegeili ózgeris ákelmegen.
"Bul talap kóbine profilaktikalyq sipatta jumys istedi. Iaǵni azamattar belgili bir kontentti jariialamas buryn oilanyp áreket etetin boldy", – dedi vitse-ministr.
Sonymen qatar ol áleýmettik jelilerde mundai mazmundaǵy materialdar buryn da buǵattalyp kelgenin eske saldy.
