قازاقستاندا لگبت ناسيحاتىنا بايلانىستى ازىرگە ەشكىم جاۋاپكەرشىلىككە تارتىلماعان. بۇل تۋرالى ءماجىلىس كۋلۋارىندا اقپارات جانە قوعامدىق دامۋ ۆيسە-مينيسترى ەۆگەنيي كوچەتوۆ مالىمدەدى، دەپ حابارلايدى Dalanews.kz.
ونىڭ ايتۋىنشا، مادەنيەت جانە اقپارات مينيسترلىگى بۇل باعىتتا تۇراقتى تۇردە مونيتورينگ جۇرگىزىپ كەلەدى. الايدا وسى ۋاقىتقا دەيىن زاڭ نورماسى اياسىندا ناقتى قۇقىقبۇزۋشىلىق دەرەكتەرى تىركەلمەگەن.
كوچەتوۆ كەيبىر ۇكىمەتتىك ەمەس ۇيىمداردىڭ الاڭداۋشىلىعى نەگىزسىز بولعانىن اتاپ ءوتتى. ونىڭ سوزىنشە، جاڭا نورما اقپاراتتىق كەڭىستىكتە تۇبەگەيلى وزگەرىس اكەلمەگەن.
"بۇل تالاپ كوبىنە پروفيلاكتيكالىق سيپاتتا جۇمىس ىستەدى. ياعني ازاماتتار بەلگىلى ءبىر كونتەنتتى جاريالاماس بۇرىن ويلانىپ ارەكەت ەتەتىن بولدى"، – دەدى ۆيسە-مينيستر.
سونىمەن قاتار ول الەۋمەتتىك جەلىلەردە مۇنداي مازمۇنداعى ماتەريالدار بۇرىن دا بۇعاتتالىپ كەلگەنىن ەسكە سالدى.
