Ýkraına prezıdenti Vladımır Zelenskıı AQSH-tyń jahandyq qaýipsizdikti jalǵyz ózi qamtamasyz ete almaıtynyn málimdep, elder arasyndaǵy seriktestiktiń mańyzyn atap ótti, dep habarlaıdy Dalanews.kz.

Zelenskııdiń aıtýynsha, qazirgi zamanda "qashyqtyq" uǵymy burynǵydaı kedergi emes. Ol dron tehnologıalarynyń qarqyndy damýy qaýip-qaterdiń shekarasyn keńeıtip jatqanyn jetkizdi.

"Amerıkalyqtardyń bir nárseni túsingenin qalaımyn. Biz olardyń Eýropadaǵy senimdi odaqtastarynyń birimiz", – dedi Ýkraına prezıdenti.

Onyń sózinshe, aldaǵy jyldary drondar myńdaǵan shaqyrymǵa erkin ushyp, tipti on myńdaǵan shaqyrym qashyqtaǵy nysandarǵa jetýi múmkin. Sonymen qatar reaktıvti qozǵaltqyshtardyń damýy olardyń qunyn arzandatyp, jappaı qoldanylýyna jol ashady.

Zelenskıı bolashaqta "drondar toby" paıda bolyp, bul qaýiptiń aýqymyn odan ári ulǵaıtatynyn atap ótti.

Ol AQSH-tyń mundaı qaýipterge jalǵyz qarsy tura almaıtynyn aıtyp, halyqaralyq yntymaqtastyqtyń qajet ekenin jetkizdi.

"Sondyqtan biz amerıkalyqtarǵa qajetpiz, al bizge – Amerıka Qurama Shtattary qajet", – dep túıindedi ol.