AQSH prezıdenti Donald Tramp NATO uıymyn synǵa aldy. Bul týraly ol alánstyń bas hatshysy Mark Rúttemen kezdesýden keıin málimdedi, dep habarlaıdy Dalanews.kz.
Tramp Vashıngtonǵa qajet kezde NATO AQSH-qa kómekke kelmeıdi degen senim bildirdi. Onyń aıtýynsha, aláns buryn da AQSH úshin mańyzdy sátte qoldaý kórsetpegen.
Tramp Truth Social áleýmettik jelisinde:
«NATO bizge qajet kezde janymyzdan tabylǵan joq jáne qaıtadan kerek bolsa da tabylmaıdy. Grenlandıany eske túsirińizder, bul úlken, durys basqarylmaı otyrǵan muzdy aýmaq», – dep jazdy.
Óz kezeginde Mark Rútte kezdesýden keıingi málimdemesinde amerıkalyq taraptyń odaqtastaryna kóńili tolmaı otyrǵanyn jetkizdi. Ol sondaı-aq NATO-nyń AQSH úshin mańyzdy synaqtan óte almaǵanyn moıyndady.
Rútteniń aıtýynsha, aláns AQSH-tyń Iranmen teketiresine qosylýdan bas tartyp, osylaısha Tramptyń senimin aqtaı almaǵan.
Eske salaıyq, buǵan deıin AQSH prezıdenti Donald Tramp NATO-dan shyǵý múmkindigin qarastyryp jatqanyn málimdegen bolatyn.
