اقش پرەزيدەنتى دونالد ترامپ ناتو ۇيىمىن سىنعا الدى. بۇل تۋرالى ول اليانستىڭ باس حاتشىسى مارك ريۋتتەمەن كەزدەسۋدەن كەيىن مالىمدەدى، دەپ حابارلايدى Dalanews.kz.
ترامپ ۆاشينگتونعا قاجەت كەزدە ناتو اقش-قا كومەككە كەلمەيدى دەگەن سەنىم ءبىلدىردى. ونىڭ ايتۋىنشا، اليانس بۇرىن دا اقش ءۇشىن ماڭىزدى ساتتە قولداۋ كورسەتپەگەن.
ترامپ Truth Social الەۋمەتتىك جەلىسىندە:
«ناتو بىزگە قاجەت كەزدە جانىمىزدان تابىلعان جوق جانە قايتادان كەرەك بولسا دا تابىلمايدى. گرەنلانديانى ەسكە تۇسىرىڭىزدەر، بۇل ۇلكەن، دۇرىس باسقارىلماي وتىرعان مۇزدى اۋماق»، – دەپ جازدى.
ءوز كەزەگىندە مارك ريۋتتە كەزدەسۋدەن كەيىنگى مالىمدەمەسىندە امەريكالىق تاراپتىڭ وداقتاستارىنا كوڭىلى تولماي وتىرعانىن جەتكىزدى. ول سونداي-اق ناتو-نىڭ اقش ءۇشىن ماڭىزدى سىناقتان وتە الماعانىن مويىندادى.
ريۋتتەنىڭ ايتۋىنشا، اليانس اقش-تىڭ يرانمەن تەكەتىرەسىنە قوسىلۋدان باس تارتىپ، وسىلايشا ترامپتىڭ سەنىمىن اقتاي الماعان.
ەسكە سالايىق، بۇعان دەيىن اقش پرەزيدەنتى دونالد ترامپ ناتو-دان شىعۋ مۇمكىندىگىن قاراستىرىپ جاتقانىن مالىمدەگەن بولاتىن.
