Almatydaǵy turǵyn úi keshenderiniń birinde balalar arbasyna dáret syndyryp ketken adam anyqtaldy, dep habarlaidy Dalanews.kz.
Almaty Politsiia departamenti qaladaǵy turǵyn úi keshenderiniń birinde bolǵan oqiǵa boiynsha Almaly aýdandyq politsiia basqarmasy tekseris júrgizgenin habarlady.
"Er adamnyń jeke basy anyqtaldy. Qazir politsiia qyzmetkerleri onyń ornalasqan jerin anyqtaý jáne ustaý boiynsha jedel izdestirý is-sharalaryn júrgizip jatyr. Tekseris nátijesi boiynsha quqyqtyq baǵa berilip, ol zańnamada belgilengen tártippen jaýapkershilikke tartylady", - dedi politsiia.
Almaty qalasynyń politsiiasy turǵyndardy qarapaiym erejederdi saqtaýǵa jáne ainaladaǵylarǵa qurmetpen qaraýǵa shaqyrdy.
Aita keteiik, buǵan deiin áleýmettik jelide taraǵan video jurttyń ashýyn týǵyzdy. Jeli qoldanýshysynyń sózinshe, kórshisine tapsyrys jetkizgen er adam balalar arbasyna dáret syndyryp ketken.
