Jansúgirov atyndaǵy Jetisý ýniversiteti sońǵy bes jyl ishinde Eýropalyq Odaq qarjylandyratyn Horizon baǵdarlamasy aiasyndaǵy jobalarǵa belsendi qatysyp keledi, dep habarlaidy Dala News.
Ýniversitet bul jobalardy halyqaralyq konsortsiýmdar quramynda júzege asyrady, onda Eýropa, Ortalyq Aziia, Soltústik Amerika jáne Shyǵys Aziia elderiniń joǵary oqý oryndary, zertteý ortalyqtary jáne seriktes uiymdary biriktirilgen.
Qazirgi tańda ýniversitet Horizon baǵdarlamasynyń birqatar iri jobalaryna qatysýda. Olar:
•MOCCA (2023–2026) – Central Asia-daǵy sybailas jemqorlyqtyń kópdeńgeili qurylymdaryn pánaralyq turǵyda zertteý;
•POLCA (2026–2029) – Batysqa jatpaityn qoǵamdardaǵy quqyq pen basqarý reformalarynyń saiasi ekonomikasyn zertteý;
•SOCIAL (2026–2029) – Ortalyq Aziia konteksinde quqyq, qoǵam jáne memlekettik basqarý ózara bailanysyn zertteý jáne doktoranttardy daiarlaý jobalary.
Horizon jobalaryna qatysý ýniversitettiń akademiialyq utqyrlyǵyn keńeitýge, ǵylymi bailanystardy nyǵaitýǵa jáne halyqaralyq ǵylymi is-sharalardy uiymdastyrýǵa múmkindik beredi. Sońǵy bes jyl ishinde Jetisý ýniversitetine seriktes joǵary oqý oryndarynan 50-den astam sheteldik ǵalym kelip, professor-oqytýshylar quramyna, jas ǵalymdarǵa, doktoranttar men magistranttarǵa arnalǵan seminarlar men qonaq dárister, ǵylymi kezdesýler ótkizdi.
Sonymen qatar, ýniversitet qyzmetkerleri Tsiýrih ýniversitetinde, Lýnd ýniversitetinde, Tsýkýba ýniversitetinde jáne Marmara ýniversitetinde ǵylymi taǵylymdamalardan ótip, halyqaralyq seminarlar men vorkshoptarǵa qatysyp, óz zertteýleriniń nátijelerin usyndy. Bul tájiribe ýniversitettiń álemdik ǵylymi qaýymdastyqqa integratsiialanýyna yqpal etip, oqytýshylar men zertteýshilerdiń kásibi damýyna jańa múmkindikter ashady.
Jansúgirov atyndaǵy Jetisý ýniversitetiniń Horizon baǵdarlamasy jobalaryna qatysýy onyń halyqaralyq ǵylymi-bilim berý keńistigindegi bedeliniń turaqty túrde artyp kele jatqanyn aiqyndaidy.
Álemniń 15-ten astam elinen jetekshi uiymdardy biriktiretin halyqaralyq konsortsiýmdardaǵy jumys ýniversitetke akademiialyq bailanystar men zertteý múmkindikterin keńeitýmen qatar, Ortalyq Aziia jáne odan tys óńirlerdegi quqyq, basqarý, sybailas jemqorlyqqa qarsy saiasat, institýtsionaldyq reformalar jáne qoǵamdyq damý máselelerin zertteýge óz úlesin qosýǵa jol ashady.
