ۋنيۆەرسيتەت بۇل جوبالاردى حالىقارالىق كونسورسيۋمدار قۇرامىندا جۇزەگە اسىرادى، وندا ەۋروپا، ورتالىق ازيا، سولتۇستىك امەريكا جانە شىعىس ازيا ەلدەرىنىڭ جوعارى وقۋ ورىندارى، زەرتتەۋ ورتالىقتارى جانە سەرىكتەس ۇيىمدارى بىرىكتىرىلگەن.

 

2022 جىلدان باستاپ ۋنيۆەرسيتەت قازاقستانداعى العاشقى جوعارى وقۋ ورىندارىنىڭ ءبىرى رەتىندە Central Asian Law: Legal Cultures and Business Environments in Central Asia جوباسىنا قاتىسىپ، حالىقارالىق عىلىمي ىنتىماقتاستىقتىڭ جاڭا كەزەڭىن باستادى.

 

قازىرگى تاڭدا ۋنيۆەرسيتەت Horizon باعدارلاماسىنىڭ ءبىرقاتار ءىرى جوبالارىنا قاتىسۋدا. ولار:

•MOCCA (2023–2026) – Central Asia-داعى سىبايلاس جەمقورلىقتىڭ كوپدەڭگەيلى قۇرىلىمدارىن ءپانارالىق تۇرعىدا زەرتتەۋ؛

•POLCA (2026–2029) – باتىسقا جاتپايتىن قوعامدارداعى قۇقىق پەن باسقارۋ رەفورمالارىنىڭ ساياسي ەكونوميكاسىن زەرتتەۋ؛

•SOCIAL (2026–2029) – ورتالىق ازيا كونتەكسىندە قۇقىق، قوعام جانە مەملەكەتتىك باسقارۋ ءوزارا بايلانىسىن زەرتتەۋ جانە دوكتورانتتاردى دايارلاۋ جوبالارى.

 

اتالعان جوبالاردىڭ ۇيلەستىرۋشىسى – شۆەسياداعى لۋند ۋنيۆەرسيتەتى.

 

Horizon جوبالارىنا قاتىسۋ ۋنيۆەرسيتەتتىڭ اكادەميالىق ۇتقىرلىعىن كەڭەيتۋگە، عىلىمي بايلانىستاردى نىعايتۋعا جانە حالىقارالىق عىلىمي ءىس-شارالاردى ۇيىمداستىرۋعا مۇمكىندىك بەرەدى. سوڭعى بەس جىل ىشىندە جەتىسۋ ۋنيۆەرسيتەتىنە سەرىكتەس جوعارى وقۋ ورىندارىنان 50-دەن استام شەتەلدىك عالىم كەلىپ، پروفەسسور-وقىتۋشىلار قۇرامىنا، جاس عالىمدارعا، دوكتورانتتار مەن ماگيسترانتتارعا ارنالعان سەمينارلار مەن قوناق دارىستەر، عىلىمي كەزدەسۋلەر وتكىزدى.

 

سونىمەن قاتار، ۋنيۆەرسيتەت قىزمەتكەرلەرى سيۋريح ۋنيۆەرسيتەتىندە، لۋند ۋنيۆەرسيتەتىندە، سۋكۋبا ۋنيۆەرسيتەتىندە جانە مارمارا ۋنيۆەرسيتەتىندە عىلىمي تاعىلىمدامالاردان ءوتىپ، حالىقارالىق سەمينارلار مەن ۆوركشوپتارعا قاتىسىپ، ءوز زەرتتەۋلەرىنىڭ ناتيجەلەرىن ۇسىندى. بۇل تاجىريبە ۋنيۆەرسيتەتتىڭ الەمدىك عىلىمي قاۋىمداستىققا ينتەگراسيالانۋىنا ىقپال ەتىپ، وقىتۋشىلار مەن زەرتتەۋشىلەردىڭ كاسىبي دامۋىنا جاڭا مۇمكىندىكتەر اشادى.

 

جانسۇگىروۆ اتىنداعى جەتىسۋ ۋنيۆەرسيتەتىنىڭ Horizon باعدارلاماسى جوبالارىنا قاتىسۋى ونىڭ حالىقارالىق ءعىلىمي-بىلىم بەرۋ كەڭىستىگىندەگى بەدەلىنىڭ تۇراقتى تۇردە ارتىپ كەلە جاتقانىن ايقىندايدى.

 

الەمنىڭ 15-تەن استام ەلىنەن جەتەكشى ۇيىمداردى بىرىكتىرەتىن حالىقارالىق كونسورسيۋمدارداعى جۇمىس ۋنيۆەرسيتەتكە اكادەميالىق بايلانىستار مەن زەرتتەۋ مۇمكىندىكتەرىن كەڭەيتۋمەن قاتار، ورتالىق ازيا جانە ودان تىس وڭىرلەردەگى قۇقىق، باسقارۋ، سىبايلاس جەمقورلىققا قارسى ساياسات، ينستيتۋسيونالدىق رەفورمالار جانە قوعامدىق دامۋ ماسەلەلەرىن زەرتتەۋگە ءوز ۇلەسىن قوسۋعا جول اشادى.