Almaty qalasynyń prokýratýrasy ál-Farabi atyndaǵy Qazaq ulttyq ýniversiteti stýdentteriniń jeke jáne meditsinalyq derekteriniń taralý faktisi boiynsha tekseris bastady, dep habarlaidy Dalanews.kz.
Qadaǵalaý organy júrgizip jatqan tekserý aiasynda derekterdiń saqtalýyna jaýapty tulǵalardyń áreketterine quqyqtyq baǵa berilmek. Atap aitqanda, olardyń Qazaqstan Respýblikasynyń "Jeke derekter jáne olardy qorǵaý týraly" zań talaptaryn saqtaý deńgeii zerdelenedi.
Prokýratýranyń málimetinshe, eger zańbuzýshylyqtar men derekterdi zańsyz jariia etý faktileri rastalsa, kináli tulǵalarǵa qoldanystaǵy zańnamaǵa sáikes tiisti sharalar qabyldanady.
Almaty qalasynyń prokýratýrasy jaǵdaidy baqylaýda ustap otyr.
