Raqymbek Jolaevtyń aitýynsha, pandemiia qaýpine bailanysty biylǵy ulttyq biryńǵai testileýinde saqtyq kúsheitiledi.
– Ulttyq biryńǵai testileý 20 maýsym men 5 shilde aralyǵynda ótedi. Ótkizý erejesi burynǵydai. Degenmen ár aýditoriiadaǵy testileýge qatysýshylar sany 2 esege azaiady. Mysaly buryn ár partada bir túlek test tapsyrsa, endi eki metr kóleminde ara-qashyqtyq saqtalady. Barlyq test ótkizý pýnkteri jylý teksergish quraldarymen, jedel járdem pýnkterimen, dezinfektsiialaý týnnelderimen, sanitarlyq tazartyqsharmen, respiratorlyq maskalarmen, qolǵaptarmen qamtamasyz etiledi.
Sonymen birge 3-4 maýsym kúnderi sanitarlyq talaptardy saqtai otyryp, túlekter úshin mekteppen qoshtasý saltanatty is-sharalaryn ótkizýdi josparlap otyrmyz. Mekteptiń aýlasynda qysqa ǵana ýaqytqa sozylatyn jiynǵa synyp jetekshisi men birneshe ustaz jáne shekteýli deńgeide ata-analar ǵana qatystyrylady. Qatysýshylar túgel maska kiip, ara-qashyqtyqty saqtaýy tiis. Túlekterdiń ómirindegi erekshe sátke arnalǵan is-shara ótýi tiis oilaimyn, – dedi ol.
Biyl Túrkistan oblysy boiynsha 11 synypty 24658 oqýshy bitirdi. Koronavirýs pandemiiasyna bailanysty UBT-ǵa ótinish berý rásimi onlain jáne dástúrli túrde júrgizildi. Oblys boiynsha testileýge 24658 bitirýshiniń 18634-i ótinish berdi. Bul jalpy túlekterdiń 75,5 paiyzyn quraidy. Bir aita keterligi, ótinish berýshiler sany 7 paiyzǵa kóbeigen. Byltyr túlekterdiń 68,8 paiyzy testileýge qatysýǵa ótinish bergen bolatyn. Iaǵni, qaýipti indet túlekterdiń bilimge degen qulshynysyna kedergi keltire almaǵan.
Oblysta ulttyq biryńǵai testileýdi ótkizýge arnalǵan 15 pýnkt ázirlengen. Shalǵai aýyldarda turatyn 11200 oqýshyny UBT ótkizý oryndaryna tasymaldaý úshin tiisti qarjy qaralǵan. Oblysta kópbalaly jáne az qamtylǵan otbasylardyń balalary úshin memleket tarapynan qosymsha granttar da qaralady. Ol úshin árbir túlek eń tómengi 50 balldan joǵary jinaýy tiis.
Basqarma basshysy oblys aýmaǵyn keń jolaqty internetpen tolyq qamtamasyz etý baǵytynda jumystar bastalǵanyn, eger pandemiia jalǵasqan jaǵdaida árbir ata-ana balalaryn qajetti qurylǵylar – smartfon, planshet, noýtbýkpen qamtamasyz etýge kúsh salýlary kerektigin aitty.
– Biz 1 qyrkúiekte dástúrli oqý júiesine kóship, oqý jylyn mektepterde qarsy alýǵa úmittenip otyrmyz. Karantin toqtasa, oqýshylarymyzdy jazǵy saýyqtyrý lagerlerine jiberýge de daiynbyz. Demalys oryndary saqadai-sai. Biraq qaýipti indettiń taralýy toqtamasa, qashyqtyqtan oqytýǵa májbúr bolamyz, – dedi R.Jolaev.
Jalpy partiia filialynyń feisbýk jáne instagramm áleýmettik jelisindegi paraqshalary arqyly efir 2 myńnan astam qaralym jinap, 100-den astam suraq qoiyldy. Basqarma basshysy olardyń birqataryna sol mezette jaýap berse, qalǵan suraqtar boiynsha da tiisti jumystar atqarylady.
«Nur Otan» partiiasy Túrkistan oblystyq filialynyń baspasóz qyzmeti
