Túrkistan oblysynda sý tasqynynan keler qaýip joq
Onyń sózinshe, aimaqtaǵy sý qoimalar men ózenderdiń sý rejimine kúndelikti turaqty túrde monitoring júrgizilýde.
– Oblys aýmaǵynda tasqynǵa qarsy is-sharalar 2017 jyly Qazaqstan Respýblikasy Úkimetiniń nusqaýymen bekitilgen óńirlerdegi «Sý tasqyny qaýpiniń aldyn alý jáne joiý jónindegi 2017-2020 jyldarǵa arnalǵan is-sharalar kesheni» Jol kartasy negizinde júzege asyrylýda. Tasqynǵa qarsy is-sharalar: Syrdariia ózeninen bastaý alatyn kanaldardyń bas tospasy bekitildi. Oǵan 50 myń qap qum, 30 tonna JJM, 584-shatyr, 4622 kerýet, 36 myń adamǵa arnalǵan tósek oryn daiyndaldy. Sondai-aq, 5,2 jalpy uzyndyǵy shaqyrym bolatyn ózenderde jaǵa bekitý jáne arna túzeý, 14 shaqyrym qorǵanys dambasy turǵyzyldy. 24 shaqyrymnan astam kanaldar men 7,2 shaqyrym drenajdy júieler mehanikalyq tazartýdan ótkizildi. Syrdariia ózeniniń jaǵalaýyndaǵy 20 eldi mekendegi qulaqtandyrý júiesine 120 mln.teńge bólinip, jańartyldy, – departament basshysy.
Jalpy oblys boiynsha sý qoimalarynyń ortasha tolýy 55-60%-dy quraidy. Tasqyn sýlardy qabyldaýǵa jetkilikti qorlary bar, al ózenderdegi sýdyń ótýi orta deńgeiden tómen.
Oblys aýmaǵynda sý tasqyny jaǵdaiy Syrdariia basseiindik ózenimen tikelei bailanysty bolǵandyqtan qatań baqylaýǵa alynǵan. Búgingi tańda ózenniń arnasynda sýdyń aǵysy qalypty, jaǵalaýdaǵy eldi mekenderge qaýip joq. Al, taýdaǵy jinalǵan qar qory normadan tómen, aýmaqtyń jazyq jerlerinde qar joq.
Aita keteiik, 2017 jyly josparlanǵan 42 is-shara tolyq aiaqtalǵan. Byltyr josparlanǵan 40 is-sharanyń 31-i tolyq aiaqtalyp, 9-y 2019 jyldyń jarty jyldyǵyna oryndalatyn bolady. Al, 2019 jyly ótkiziletin 16 is-sharaǵa oblystyq biýdjetinen 990 mln. teńge qaralǵan.
Túrkistan oblysy ákiminiń baspasóz qyzmeti
