Óskemende birneshe bala úi jaǵdaiynda jasalǵan súndetteýden keiin asqynýlarmen aýrýhanaǵa tústi, dep habarlaidy Dala News.
Dárigerlerdiń málimetinshe, qalada súndetteýdi úide jasaityn adam paida bolǵan. Sonyń saldarynan balalarda qan ketý men jaranyń irińdeýi tirkelgen.
«Birneshe bala asqynýlarmen júgindi. Bir bala hirýrgiia jáne ýrologiia bólimine jatqyzylyp, em alyp jatyr», – dedi bólim meńgerýshisi Rahimjanov Qairat Qusmanuly.
Mamandar ata-analardy saq bolýǵa shaqyrady. Olardyń aitýynsha, mundai protsedýralardy tek meditsinalyq mekemede, tiisti jaǵdai men bilikti mamandar bolǵanda ǵana jasaý qajet.
«Kez kelgen hirýrgiialyq operatsiia sterildi jaǵdaida júrgizilýi tiis. Aýrýhanada barlyq qajetti qural-jabdyq pen dári-dármek bar. Al úi jaǵdaiynda jasalǵan operatsiialar aýyr infektsiialarǵa ákelýi múmkin», – dep eskertti dáriger.
