Mańǵystaý oblysynda qubyr jarylyp, saldarynan kósheni sý basty. Oqıǵa "Ózenmunaıgaz" kompanıasyna qarasty ýchaskede bolǵan, dep habarlaıdy Dalanews.kz.
Aldyn ala málimetke sáıkes, bul qubyr munaı qabatyndaǵy qysymdy ustap turý úshin sý aıdaýǵa arnalǵan. Aqaý saldarynan sý syrtqa atqylaǵan. Abyroı bolǵanda, oqıǵa kezinde zardap shekkender joq.
Qazirgi tańda apat saldary tolyq joıylyp, zaqymdanǵan bólik jóndelgen. Júıe shtattyq rejımde jumys istep tur.
Óńirlik ákimdik ókilderi jaǵdaı baqylaýda ekenin aıtyp, ekologıaǵa qaýip joq ekenin málimdedi.
