Túrkistan oblysynda polısıa aýyl sharýashylyǵy janýarlaryn zańsyz shetelge shyǵarýǵa baǵyttalǵan aýqymdy árekettiń jolyn kesti, dep habarlaıdy Dalanews.kz.
Shekara beketteriniń birinde júk kólikteriniń kolonnasy ustaldy. Tergeý málimetinshe, olar jalǵan qujattar arqyly shamamen 1000 bas usaq maldy elden shyǵarmaq bolǵan.
Kontrabandamen aınalysqandar eksportqa qoıylǵan qoldanystaǵy shekteýlerdi aınalyp ótýdi kózdegen. Ol úshin jalǵan qujattar jasap, aldyn ala baǵyttardy ázirlegen.
Jedel aqparattyń arqasynda İshki ister mınıstrliginiń qyzmetkerleri júkti memlekettik shekaradan ótkizý áreketi kezinde qolǵa túsirdi. Oqıǵa ornynda mal tıelgen birneshe aýyr júk kóligi toqtatyldy.
Atalǵan derek boıynsha qylmystyq is qozǵaldy. Qazir tergeý bul zańsyz arnany uıymdastyrǵan tulǵalar sheńberin anyqtap jatyr.
