Astanada EXPO halyqaralyq kórme ortalyǵy alańynda «Qazaqstan – bizdiń ortaq úiimiz» taqyrybynda aýqymdy mýzykalyq fleshmob ótti, dep habarlaidy Dalanews.kz
Is-sharaǵa qala mektepterinen 2000-ǵa jýyq oqýshylar qatysyp, olar bir mezette kúishi-kompozitor Qarshyǵa Ahmediiarovtyń «Altyn uia» kúiin oryndady.
Oqýshylar dombyra, qobyz, qylqobyz, jetigen, sazsyrnai, fleita jáne skripka sekildi ulttyq jáne klassikalyq aspaptarda oinady.
Mýzykalyq fleshmobqa elordadaǵy óner jáne mýzykalyq mektepterdiń, sondai-aq jalpy bilim berý uiymdarynyń 10-16 jas aralyǵyndaǵy tárbielenýshileri qatysty.
Uiymdastyrýshylardyń aitýynsha, is-sharanyń basty maqsaty – «Qazaqstan – bizdiń ortaq úiimiz» ideiasyn mýzyka arqyly jetkizý. Ártúrli aspaptyń úni bir arnaǵa toǵysyp, kópultty eldiń birligin beineledi.
Fleshmobqa qatysqan oqýshylar da óz áserlerimen bólisti. Olardyń aitýynsha, «Altyn uia» kúiin oryndaý týǵan jerge degen súiispenshilikti sezinýge múmkindik bergen.
Aita keteiik, «Altyn uia» kúii Otanǵa, týǵan jerge degen saǵynysh pen mahabbatty beineleitin týyndy sanalady.
