Búgin Túrkistan qalasynda shaǵyn fýtboldan BAQ ókilderi arasynda «Jańarǵan Túrkistan» respýblıkalyq týrnıri ótýde. Jarystyń maqsaty – jurtshylyqty buqaralyq sportqa baýlý, jýrnalıser arasynda salaýatty ómir saltyn nasıhattaý, Túrkistandy sport ortalyǵy retinde damytý. Sonymen birge jańa oblys ortalyǵy – Túrkistannyń oń ımıjin qalyptastyrý kózdelgen.

Dúbirli báseke qarsańynda respýblıkamyzdaǵy bedeldi telearnalar men basylymdardyń jýrnalıserine óńirdegi kıeli oryndar men kásiporyndarǵa pres-týr uıymdastyrylady. BAQ ókilderi Túrkistan qalasyndaǵy qurylys nysandaryn da aralap kóredi. Sonymen birge Olımpıada chempıony Bekzat Sattarhanov atyndaǵy halyqaralyq boks týrnıriniń fınaldyq básekelerin tamashalaıdy.

Búginde «Jańarǵan Túrkistan» respýblıkalyq týrnırine Astana, Almaty, Shymkent qalalary men BQO, Jambyl, Qyzylorda, Almaty, SQO jáne Túrkistan oblysynyń jýrnalıserinen quralǵan komandalar qatysyp, óner kórsetýde.

Júlde qory da qomaqty. Birinshi oryn alǵan komandaǵa 500 myń, ekinshi orynǵa – 300 myń, al, qola júldegerge 150 myń teńge tapsyrylady. Sondaı-aq týrnırdiń úzdik qaqpashysy, shabýylshysy, qorǵaýshysy jáne eń myqty oıynshysyna marapattalsa, taǵy 3 oıynshyǵa O.Jarylǵapov, Á.Nurmahanov jáne B.Sattarhanov atyndaǵy arnaıy júldeler tapsyrylady dep kútilýde.

Respýblıkalyq týrnırdiń uıymdastyrýshysy – Túrkistan oblysy ákimdiginiń ishki saıasat basqarmasy.

 

 

 

Túrkistan oblysy Óńirlik komýnıkasıalar qyzmeti