ءدۇبىرلى باسەكە قارساڭىندا رەسپۋبليكامىزداعى بەدەلدى تەلەارنالار مەن باسىلىمداردىڭ جۋرناليستەرىنە وڭىردەگى كيەلى ورىندار مەن كاسىپورىندارعا پرەسس-تۋر ۇيىمداستىرىلادى. ب ا ق وكىلدەرى تۇركىستان قالاسىنداعى قۇرىلىس نىساندارىن دا ارالاپ كورەدى. سونىمەن بىرگە وليمپيادا چەمپيونى بەكزات ساتتارحانوۆ اتىنداعى حالىقارالىق بوكس ءتۋرنيرىنىڭ فينالدىق باسەكەلەرىن تاماشالايدى.
بۇگىندە «جاڭارعان تۇركىستان» رەسپۋبليكالىق تۋرنيرىنە استانا، الماتى، شىمكەنت قالالارى مەن بقو، جامبىل، قىزىلوردا، الماتى، سقو جانە تۇركىستان وبلىسىنىڭ جۋرناليستەرىنەن قۇرالعان كوماندالار قاتىسىپ، ونەر كورسەتۋدە.
جۇلدە قورى دا قوماقتى. ءبىرىنشى ورىن العان كومانداعا 500 مىڭ، ەكىنشى ورىنعا – 300 مىڭ، ال، قولا جۇلدەگەرگە 150 مىڭ تەڭگە تاپسىرىلادى. سونداي-اق ءتۋرنيردىڭ ۇزدىك قاقپاشىسى، شابۋىلشىسى، قورعاۋشىسى جانە ەڭ مىقتى ويىنشىسىنا ماراپاتتالسا، تاعى 3 ويىنشىعا و.جارىلعاپوۆ، ءا.نۇرماحانوۆ جانە ب.ساتتارحانوۆ اتىنداعى ارنايى جۇلدەلەر تاپسىرىلادى دەپ كۇتىلۋدە.
رەسپۋبليكالىق ءتۋرنيردىڭ ۇيىمداستىرۋشىسى – تۇركىستان وبلىسى اكىمدىگىنىڭ ىشكى ساياسات باسقارماسى.
تۇركىستان وبلىسى وڭىرلىك كوممۋنيكاسيالار قىزمەتى
