Biylǵy jyly 22 mln. gektardan astam jerdi jyrtý josparlanyp otyr. Bidai alqaptaryn, sýda ósetin daqyldardy qysqartý jáne bos tyńaiǵan jerlerdi igerý esebinen maily, jarma, dándi-jemdik, burshaqty, jemdik daqyldar siiaqty suranysqa ie, básekege qabiletti daqyldardyń alqaptary aitarlyqtai ulǵaiady. (arpa jáne dándik júgeri – 57,2 myń ga, qant qyzylshasy-2,6 myń ga, jemdik daqyldar-654,1 myń ga.)
Energetika ministrliginiń kelisimi boiynsha naýryz-maýsym kezeńine – 380,0 myń tonna dizel otyny bólindi (2018 jyly 375,0 myń tonna). Egis alqaptarynyń ulǵaiýyn eskere otyryp, óńirlerge qosymsha 5,0 myń tonna dizel otyny bólindi. Otyn óńirlerge bekitilgen kestege sáikes jetkiziletin bolady. Energetika ministrligi MÓZ – den 160 teńge/litr (193,0 myń teńge/tonna) baǵasyn belgiledi, operatorlardy jetkizýdi esepke alǵanda, óńirlerdegi ortasha baǵa 176 teńge/litrdi quraidy, bul naryqtyq baǵadan 10% -ǵa arzan (JMS-195 teńge/litr).
2019 jyly "Keń Dala" baǵdarlamasy aiasynda AÓK sýbektilerin nesielendirýge 60 mlrd.teńge bólindi, sońǵy qaryz alýshylar úshin syiaqy mólsherlemesi jyldyq 7%-dan aspaidy. Aýyl sharýashylyǵy ónimderin óndirýshilerge kredit berý kredittik seriktestikter arqyly - 13 mlrd.teńge, ekinshi deńgeidegi bankter arqyly - 14 mlrd. teńge jáne tikelei kredit berý – 33 mlrd. teńge ("AKK"AQ filialdary arqyly) júzege asyrylady. Bulai bólý shartty, óitkeni qarjylandyrý ótinimderdiń túsýine qarai júzege asyrylatyn bolady.
Aǵymdaǵy jyly Túrkistan oblysynda aýyl sharýashylyǵy daqyldarynyń egistik alqaby 824 myń ga quraidy, bul ótken jylmen salystyrǵanda 9,8 myń ga artyq. Egisterdi ártaraptandyrýǵa sáikes bidai alańy 174,8 myń ga, maqta - 121,2 myń ga, kókónis, baqsha daqyldary men kartop - 124,2 myń ga, maily daqyldar - 100,6 myń ga, dándik júgeri - 45,9 myń ga jáne jemdik daqyldar - 207,6 myń ga quraidy.
Búgingi kúni 175 myń ga jazdyq daqyldar egildi, onyń ishinde kókónister - 19,2 myń ga, kartop – 9,4 myń ga, baqsha daqyldary – 15,4 myń ga, jońyshqa – 40,5 myń ga, arpa – 34,2 myń ga, bidai – 7,8 myń ga, saflor – 48,5 myń ga.
Sonymen qatar, mineraldyq tyńaitqyshtardyń qunyn sýbsidiialaý baǵdarlamasyna sáikes, 96 myń tonna mineraldyq tyńaitqyshtardy sýbsidiialaý josparlanýda. Osy maqsattarǵa 4,3 mlrd. teńge mólsherinde qarajat kózdelgen. Búgingi tańda oblysqa 33 myń tonna mineraldy tyńaitqysh jetkizildi.
Kóktemgi egis jumystaryn júrgizý úshin 18 myń birlik traktor, 2 900 birlik kýltivator, 1 800 birlik tuqym sepkish, 12 900 birlik soqalar daiyndaldy.
Aita ketý kerek, Túrkistan oblysynda shamamen 55 myń usaq sharýashylyqtardy biriktirgen 627 aýyl sharýashylyǵy kooperativi quryldy. Taýar óndirýshiler jazdyq daqyldardyń tuqymdarymen tolyq kólemde qamtamasyz etilgen. Tuqym óndirýmen 13 sharýashylyq ainalysady.
Túrkistan oblysy Óńirlik kommýnikatsiialar qyzmeti
