Mundai jetistikke «Agroónerkásiptik keshenin damytýdyń 2017-2021 jyldarǵa arnalǵan memlekettik baǵdarlamasy» aiasynda jetip otyrmyz. Bul týraly búgin Óńirlik kommýnikatsiialar qyzmetinde ótken baspasóz jiynynda oblystyq aýyl sharýashylyq basqarmasynyń basshysynyń mindetin atqarýshy Nurbek Badyraqov málimdedi.
Onyń pikirinshe, oblysta óndirilgen ónim kóleminiń 10-12 paiyz al aýdan qala boiynsha óndirilgen ónimniń 30-35 paiyz aýyl sharýashylyǵy salasy qamtamasyz etip otyr.
Kóktemgi dala jumystaryn júrgizýge Úkimet tarapynan 1 litri 158 teńgeden 40,2 myń tonna janar-jaǵar mai bólingen. Búginge deiin onyń 28,7 myń tonnasy naryqtaǵy baǵadan 27 teńgege arzandatylyp agroqurylymdarǵa bosatylǵan. Odan bólek, 50 paiyz jeńildikpen agroqurylymdarǵa 80 myń tonna mineraldy tyńaitqyshtar bólinip, onyń 75 myń tonnasy sharýalarǵa úlestirilgen.
Aita ketsek, biylǵy jyly aýa raiynyń qýańshylyq bolǵanyna qaramastan, dihandardyń eseli eńbeginiń arqasynda masaqty dándi daqyldardyń ár gektarynan 17,8 tsentnerden 405 myń tonna ónim jinalǵan.
Qazirgi tańda kúrishten basqa dándi-daqyldardy jinaý jumystary tolyǵymen aiaqtalǵan. Kúrish 65 paiyzy orylyp, aqmarjan tonnasy 12 myńǵa jetken. Maqsarynyń ár gektarynan 9,8 tsentnerden, jalpy 91,5 myń tonna ónim orylǵan. Maqta daqylynyń gektar túsimdiligi 25 tsentnerden, barlyǵy 332 myń tonna shitti maqta jinaý mejelenip, búgingi kúnge 195,5 myń tonna maqta jinaldy. Kókónis, kartop, baqsha daqyldarynan 2,8 mln. tonna ónim jinalyp, rekordtyq kórsetkishke qol jetkizildi. Onyń ishinde, 500 myń tonnaǵa jýyq ónimder Resei, Belarýs, Latviia, Germaniia memleketterine eksporttalsa, 1 mln. tonnasy elimizdiń soltústik óńirlerine jóneltildi.
Túrkistan oblysy ákiminiń baspasóz qyzmeti
