– Túrkistan oblysyndaǵy kórikti ári tabiǵaty bai Qazyǵurt aýdanynyń mereili merekesi bárimizge ortaq. Maqsat – toi toilaý emes, bir ǵasyrǵa jýyq ýaqyt aralyǵyndaǵy oqiǵalardy oi eleginen ótkizý. Eldiń birligin nyǵaityp, igi iske jumyldyrý. Táýelsiz Qazaqstannyń bolashaǵy jarqyn bolýy úshin árbir azamat otanshyl bolýy qajet. Al, ol úshin týǵan jerdiń tarihyn, ólketanýdy bilgen abzal. Qazyǵurt qaryshtap dami bermek. Sizderdi ataýly kúnmen shyn júrekten quttyqtap, barshańyzǵa baq-bereke, myqty densaýlyq tileimin! – J.Túimebaev.
Munan soń, oblys basshysy aýdannyń ósip, órkendeýine úles qosqan birqatar azamattardy ataýly kúnde quttyqtap, syi-siiapat jasady.
Konferentsiia barysynda elimizde belgili birqatar azamattar, atap aitqanda, QR Parlamenti Májilisiniń depýtaty, Qazyǵurt aýdanynyń qurmetti azamaty S.Abdrahmanov pen QR Parlamenti Senatynyń depýtaty, oblystyń jáne Qazyǵurt aýdanynyń qurmetti azamaty Á.Bektaev quttyqtaý sózin sóilep, aýdan jurtshylyǵyna Qazyǵurtty odan ári kórkeitip, túrlendirýde sáttilik tiledi.
Sonymen birge, jiynda «Kieli Qazyǵurt» jáne «Qazyǵurt aýdanynyń tarihy» atty kitaptardyń tusaý keseri ótti.
Máselen, Qazyǵurt aýdanynda aýyl sharýashylyǵy boiynsha jalpy ónim kólemi 22,1 mlrd. teńge bolyp, ótken jyldyń 8 aiymen salystyrǵanda 3,7 mlrd. teńgege artqan. Aýdan qazynasyna 11,1 mlrd. teńgege investitsiia tartylyp, 2017 jyldyń 8 aiymen salystyrǵanda 107,9 paiyzǵa kóbeiipti. Gazdandyrý jumystary boiynsha 64 eldi mekenniń búgingi tańǵa 56,2 paiyzy tabiǵi gazǵa qosylǵan. Qazir 10 eldi mekenge tabiǵi gaz qosý jumystary júrgizilýde. Jalpy aýdan boiynsha 46 eldi meken tabiǵi gaz júiesimen qamtylyp, 71,8 paiyzdy quraidy.
Túrkistan oblysy ákiminiń baspasóz qyzmeti
