Astanada Ózbekstan Respýblikasynyń Prezidenti Shavhat Mirzieevtiń Qazaqstanǵa resmi issapary aiasynda «Qazaqstan-Ózbekstan» biznes forýmy ótip jatyr. Kórshiles eldiń áleýetti kásipkerlerimen tikelei bailanystar ornatylýda. Ekijaqty kelisimder jasalyp, saýda bailanysyn jandandyrý máseleleri talqylanyp jatyr. Forýmǵa Túrkistan oblysy ákiminiń orynbasary Nuralhan Kósherov qatysyp, baiandama jasady, dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
– Túrkistan oblysy respýblikamyzda Ózbekstanmen shekaralas ornalasqan, ekonomikasy qarqyndy damyp kele jatqan óńirlerdiń biri. Investitsiialyq jáne týristik potentsialy óte joǵary. Ózbekstan men Túrkistan oblysy arasynda saýda qatynasy jaqsy damyǵan. Ótken jyly taýar ainalymy 422 mln AQSh dollaryn qurady. Onyń ishinde eksport kólemi 253 mln. AQSh dollary, import 169 mln. AQSh dollary deńgeiinde qalyptasty. Eki el yntymaqtastyǵy aiasynda Túrkistan oblysy Tashkent, Horezm, Ferǵana, Jizaq, Syrdariia jáne Samarkand oblystarymen memorandýmdarǵa qol qoiylǵanyn atap ótkim keledi. Túrkistan oblysy qurylǵannan bastap ekonomikaǵa jalpy 4,3 trln. teńge investitsiia tartylyp, 200-den astam joba iske qosyldy. Qosymsha 1,7 trln. teńgege 8 818 jańa jumys orny ashylatyn TOP-20 iri investitsiialyq jobalardy júzege asyrý josparlanýda. Eki eldiń týrizm salasyn damytýǵa barlyq múmkindigi bar. eki jaqty yntymaqtastyqty odan ári damytý úshin joǵaryda atalǵan alańshalarda agroónerkásiptik kesheni, toqyma jáne jibek klasteri, tamaq jáne mashina óndirisi, qaita óńdeý ónerkásibi, sondai-aq jańartylǵan energiia kózderi jáne týrizm salalary boiynsha birlesken jobalardy iske asyrýǵa shaqyramyn, – dedi oblys ákiminiń orynbasary.
Túrkistan oblysynda strategiialyq jáne ekonomikalyq turǵydan asa mańyzdy, eki el arasyndaǵy saýda-ekonomikalyq bailanysty damytýǵa múmkindik beretin – «Ortalyq Aziia» halyqaralyq ónerkásiptik kooperatsiia ortalyǵy» qurylýda. Túrkistan qalasy aýmaǵynda 30 gektar alqapta shaǵyn ónerkásiptik park salynýda. Parktiń ereksheligi kásipkerlerge daiyn óndiristik ǵimarattar usynylady. Búgingi tańda jobanyń I kezeńi aiaqtalyp, 14 ǵimarat iske qosyldy. Qosymsha II jáne III kezeńderiniń qurylysy bastaldy. Budan bólek aýmaǵy 2 sýbaimaqtan turatyn «TURAN» arnaiy ekonomikalyq aimaǵy quryldy.
Bul aimaqta qatysýshylarǵa salyqtan bosatý, kedendik jeńildikter jáne infraqurylymy bar jer telimderin qosa alǵanda, erekshe quqyqtyq rejim usynady.Forým barysynda Túrkistan óńiriniń atynan oblys ákiminiń orynbasary Nuralhan Kósherov pen «Ýztekstilprom» qaýymdastyǵynyń tóraǵasy Mirmýhsin Sultanov ózara yntymaqtastyq týraly memorandýmǵa qol qoidy. Budan bólek «QAZAQ JIBEK» qaýymdastyǵyÓzbekstan Respýblikasy Aýyl sharýashylyǵy ministrligi janyndaǵy Jibek jáne jún ónerkásibin damytý komiteti Jibek klasterin damytý jobasyn birlesip júzege asyrý boiynsha 2024-2029 jyldarǵainvestitsiialyq kelisimshart jasasty Al «Iýpiter-M» JShS men «Samarqand irrigatsiia júiesi» JShS arasynda dándi daqyldardy ósirýge arnalǵan sýdy únemdeitin (jańbyrlatatyn) tehnologiialar men sýspenziialardy engizý boiynsha yntymaqtastyq týraly memorandýmǵa qol qoiyldy.Aita keteiik, QR Saýda jáne integratsiia ministrliginiń uiymdastyrýymen ótip jatqan biznes forýmnyń maqsaty saýda-ekonomikalyq seriktestikti nyǵaitý, qazaqstandyq kásiporyndar men áleýetti satyp alýshylar arasynda tikelei bailanys ornatý jáne saýda qatynastaryn jandandyrý, ekijaqty kezdesýler ótkizý.
