Bul jaǵdai «Teńizshevroil» kompaniiasy qarjylandyratyn Qazaqstannyń otbasylyq dárigerler qaýymdastyǵynyń (QODQ) Atyraý jáne Mańǵystaý oblystaryndaǵy jobalaryna áser etpei qoimady.
Osy jobalardyń maqsaty alǵashqy meditsinalyq-sanitarlyq kómekti nyǵaitý jáne damytý arqyly meditsinalyq kómektiń sapasyn jaqsartý, júrek-qan tamyry men basqa da sozylmaly aýrýlardy erte anyqtaý jáne emdeý arqyly aýyr asqynýlar (infarkt jáne insýlt) deńgeiin tómendetý, sonymen qatar naýqastardyń bilimin, emdelýge umtylysyn jáne aýrýdy baqylaý qabiletin jaqsartý bolyp tabylady.
Turǵyndarǵa onlain rejimde keńes berý
Karantin kezinde oqytýshy dárigerler synamaly uiymdarǵa baryp, naýqastardy qabyldai almaidy.
Dál osy sebepke bailanysty QODQ óziniń paraqshasynda Qazaqstannyń barlyq turǵyndaryna arnalǵan virtýaldy keńes berý bólimin ashqan. Kún saiyn, aptasyna 7 kún, saǵat 9-dan keshki 18-ge deiin QODQ mamandary barlyq kómekke júgingenderge keńes berip otyrady.
Eki ai karantin kezinde 16 naýryz ben 16 mamyr aralyǵynda 817 qazaqstandyq kómekke júginip, onyń ishinde 562-i tolyq keńes aldy, iaǵni olarǵa qaralý jáne emdelý boiynsha usynys berildi.
Kómekke júgingenderdiń geografiiasy óte keń aýqymdy qamtidy: Mańǵystaý jáne Túrkistan oblysynyń turǵyndary, Shymkent, Almaty, Aqtóbe, Astana, Temirtaý, Taldyqorgan, Taraz, Qyzylorda, Óskemen, Semei, Aiagóz, Atyraý, Qulsary, Saryaǵash, Qaraǵandy, Oral, Qostanai qalalarynyń turǵyndary keńeske júgingen.
Keńes alýshylardyń basym bóligi aýyl turǵyndary boldy. Áielder tarapynan keńes alýshylar kóp boldy, ásirese olardyń arasynda densaýlyǵymen bailanysty aýyr problemalary bar kóp balaly analar bar. Kómekke júginýdiń negizgi sebepteri asqynǵan aýrýlar emes, sozylmaly ahýaldar bolǵan.
Olar ózderine, balalaryna, ata-analaryna, joldastaryna, jalpy búkil otbasy úshin keńes alǵan. 10 retten asa jazǵan naýqastar da boldy.
Rezidenttermen virtýaldy jumys
2020 jyly naýryzda Ospanov atyndaǵy BQMÝ-dyń úsh rezidentinen quralǵan sońǵy top Qulsary qalasyndaǵy emhanada QODQ oqytýshysy m.ǵ.k. A.A.Egemberdievanyń jetekshiligimen tájiribeden ótip, Aqtóbege oraldy. Sodan beri dárister onlain rejimde Telegram Messenger, Zoom jáne Cisco baǵdarlamalary arqyly ótip jatyr.
Mysal úshin, 14-15 mamyrda QODQ oqytýshylary Dúniejúzilik otbasylyq dáriger kúnine arnalǵan stýdenttik konferentsiiada baiandama jasady.
Facebook jáne Instagram-nyń QODQ paraqshalaryndaǵy turǵyndarǵa arnalǵan beine baiandar men jazbalar
Karantin kezinde Facebook jáne Instagram áleýmettik jelilerindegi paraqshalarda aqparattandyrý jumysy kúrt artty.
Ártúrli ózekti klinikalyq problemalardy qozǵaýdan bólek, koronavirýs invektsiiasy boiynsha sońǵy derekter turaqty túrde jariialanyp turdy. Máselen, 22 sáýir men 19 mamyr aralyǵynda jazbalardy 600 myńnan asa qoldanýshy kórse, 6 myńnan astamy oǵan ún qatty.
Osylaisha, Facebook jáne Instagram paraqshalarynda jazbalar sany kóbeigenimen qatar, qoldanýshylar / oqyrmandar sany karantinge deiingi kórsetkishten artty.
Instagram jelisindegi «Zertte» paraqshasynda Atyraý jáne Mańǵystaý oblystarynyń balalary, ata-analary jáne muǵalimderine arnalǵan belsendi jumys jalǵasyn tabýda.
QODQ paraqshasynda Qazaqstannyń dárigerlerin KAFPConnect boiynsha oqytý
Karantin kezinde KAFPConnect (Kanzas otbasylyq dárigerler qaýymdastyǵy) dárigerlerimen jumys jandandy. QODQ qyzmetkerleri otbasylyq meditsina boiynsha Amerikandyq keńestiń emtihandary (ABFMExamPrep) úshin klinikalyq tapsyrmalardy aýdaryp, beiimdeýde. Telegram Quiz fýnktsiiasyn qoldaný arqyly dárigerlerdiń bilimin erikti túrde synaý jáne jaýap nusqalaryn talqylaý ótkizilip jatyr.
Ortalyq Aziiaǵa arnalǵan Adamdar/CA (Adamdar) buqaralyq jobasymen birge «COVID-19: dárigerlerdiń sózi» atty qarapaiym virtýaldy kitapsha ázirlendi.
Dárigerler úshin beine baiandardy, jazbalardy jáne mátinderdi ázirlep, olardy aǵylshyn tilinen orys jáne qazaq tilderine aýdarýǵa kóp ýaqyt jumsap, qyrýar jumys talap etetinin atap ótken jón. Bir beine baiandy jazý úshin ózimiz kóptegen vebinarlarda oqytýdan ótip, aldyńǵy qatarly meditsinalyq jýrnaldardaǵy ǵylymi maqalalardy oqyp, dárigerler ári turǵyndar úshin aýdaryp, beiimdeýimiz qajet.
Bul rette barlyq qyzmetkerler dáleldi meditsinanyń qaǵidalaryn qoldanyp, árqashan ǵylymi negizdelgen faktilerdi keltiredi jáne jalǵan senimdermen kúresip, baibalamǵa jol bermeýge septigin tigizedi.
Osylaisha, pandemiia jáne onymen bailanysty karantin TShO qoldaýymen júzege asyp jatqan QODQ-nyń eki áleýmettik jobasyn oryndaýǵa úlken áserin tigizdi. QODQ-nyń aýdandarǵa baryp, meditsinalyq qyzmetkerlerge, turǵyndarǵa jáne balalarǵa tikelei kómek beretin múmkindigi joq.
Degenmen áleýmettik jelilerdiń jaqsy damýy jáne Qazaqstandaǵy internettiń eń alystaǵy qoldanýshylarǵa qol jetimdi bolýy, QODQ-nyń etek-jeńin túrip, jumys sipatyn ózgertýine túrtki boldy.
Sonymen qatar ol Atyraý jáne Mańǵystaý oblystarynyń turǵyndarymen ózara jumys júrgizýdiń jańa belesterin ashyp, elimizdiń barlyq turǵyndaryn qamtityn geografiiasyn keńeitip, olarǵa qoldaý kórsetýge sebep boldy.
Nuǵmanova D.S., Igilikova D.N.
