Keńes barysynda SHQO óńirlik aqparattyq-aǵartýshylyq shtabynyń basshysy A. K. Esimbekova joba aıasynda atqarylǵan jumystar týraly aqparat berip, oń nátıjelerdi atap ótti, sondaı-aq aldaǵy kezeńge arnalǵan negizgi mindettermen tanystyrdy.
SHQO sybaılas jemqorlyqqa qarsy qyzmet basshysynyń birinshi orynbasary Jiger Baıdildın óńirlik aqparattyq-aǵartýshylyq shtabtyń negizgi maqsattary men mindetterin túsindirdi.
– Aqparattyq-aǵartýshylyq shtabtyń mindeti halyq arasynda, quqyq qorǵaý jáne memlekettik organdarda, sondaı-aq óskeleń urpaq arasynda parasattylyq mádenıetin qalyptastyrý boıynsha keń aýqymdy túsindirý jumystaryn júrgizý bolyp tabylady, – dep atap ótti J.Baıdildın.
Sondaı-aq, ol joba aıasyndaǵy, ásirese TJ rejımi kezindegi belsendi jumysy úshin óńirlik aqparattyq-aǵartýshylyq shtabtyń basshysy Araılym Esimbekovaǵa, shtab músheleri Ermek qajy Tasbolatulyna, Oleg Chernyshovqa alǵysyn bildirdi.
– El úshin qıyn kezeńde shtab músheleri ózekti máseleler boıynsha turǵyndar arasynda belsendi túsindirý jumystaryn júrgizip, kelip túsken barlyq habarlamalarǵa der kezinde jaýap berip otyrdy. Olar sondaı-aq bilim berý mekemelerinde «parasattylyq saǵatyn» ótkizýge belsendi qatysty, – dedi SHQO sybaılas jemqorlyqqa qarsy qyzmet basshysynyń birinshi orynbasary.
Keńes sońynda óńirlik aqparattyq-aǵartýshylyq shtab jumysyn odan ári jandandyrý maqsatynda sybaılas jemqorlyqqa qarsy zańnamany jáne parasattylyq qaǵıdattaryn túsindirý boıynsha ártúrli formatty is-sharalar ótkizý, adaldyq, ádildik, parasattylyq sıaqty jalpyadamzattyq qasıetterdi nasıhattaýda dinı birlestikterdiń áleýetin keńinen paıdalaný usynyldy.
