Jas býynnyń áleýetin arttyryp, qanatyn qataitý úshin Almaty oblysynda 15 úzdik joba qoldaý tapqanyn da aita ketýimiz kerek.
Bilimi men biligi ushtasqan jalyndy qyz-jigitterdi jarqyn jeńisimen aimaq basshysy Marat Sultanǵaziev quttyqtady.
– Búgingi jastardyń bilimge, innovatsiiany úirenýge, shet tilderin meńgerýge degen talpynystary, eńbekqorlyǵy bizdi qýantady. Jeńimpaz atanǵan jobalar óńirimizdegi ózekti máselelerdi sheshýge, memlekettik jastar saiasatyn jemisti júzege asyrýǵa serpin beretin jasampaz isterdiń bastaýy bolsyn. Bul baǵyttaǵy jumys aldaǵy ýaqytta da jalǵasyn tabady. Jalpy, memlekettik jastar saiasatyn júzege asyrý bizdiń basty mindetterimizdiń biri, – dedi Almaty oblysy ákimi Marat Eleýsizuly.
Qoǵamnyń ár salasynda biznes-ideialary men ózindik josparlaryn júzege asyrýdy kózdegen jastar qarasy qalyń bolǵanymen, alǵash ret ótkizilgen atalmysh grant jobasyna barlyǵy 35 úmitker qatysqan. Solardyń ishinde tek 15-i jeńimpaz atanyp, 1 mln teńgeniń sertifikatyna ie boldy.
Jeńimpazdardyń qatarynda «Media» baǵytynda jeńimpaz atanǵan jas videograf, Sáken Quttyqbai da bar. Ol uiymdastyrýshylarǵa alǵysyn bildirip, mundai jobalar el jastaryna úlken úmitpen birge bolashaqqa degen senim syilaitynyn alǵa tartty.
Birinshisi, «Ýaqyt» dep atalady. Atalǵan film jastardyń ýaqytty tiimdi qoldanýdy, baǵalaý kerektigin túsindiredi.
Ekinshi týyndyǵa «Nashaqor» degen at arqaý boldy. Bul jerde jaman ortaǵa túsý, ishimdikke salyný keiin nashaqor bolýǵa ákelýi múmkin ekeni baiandalady.
Al sońǵysy «Qumar oiyn» dep atalady. Óitkeni, qazirgi tańda qumar oiyndarǵa salynyp ketý óte ońai. Tipti, úiden shyqpai-aq búkil múlikten aiyrylyp qalýǵa bolady. Bul jobanyń maqsaty jastar durys jolda júrip, ýaqytty jáne jaqyndaryn baǵalaýy eń basty qundylyq ekenin qalyń kópke túsindirý, – -dedi Sáken Muhtaruly.
Asyǵy alshysynan túskender qatarynda «Mádeniet» salasynda grantty jeńip shyqqan Jánibek Maqatandy atap ótýge bolady.
Ol on saýsaǵynan óner tamǵan sheber. Kóne mýzykalyq sybyzǵy men sazsyrnai syndy ulttyq aspaptar jasaidy. Ónerden tabys tabýdyń jolyn tapqan jigit Qurmanǵazy atyndaǵy Qazaq ulttyq konservatoriiasynyń 2 kýrs bilimgeri.
Týma talantymen talaidy tamsandyrǵan jas, óz qolynan shyqqan qos birdei mýzyka aspabyn Almaty oblysynyń ákimi Marat Sultanǵazievke arnaiy tabystady.
Al, Berik Madiiaruly, Oljas Múbarak, Aqbota Jetpisbai, Áziza Radjapova, Laýra Ábilqasymova, Ernur Qádir, Dinmuhamed Dúisenǵali, Bekbolat Bekseiitov, Mádi Berdibaevtar «Biznes» baǵytynda arnaiy grantqa qol jetkizdi. «Ǵylym» boiynsha Aigúl Jalǵas, Bekzat Seiitmuhanbetova men Meirambek Jalǵastar úzdik shyqty.
Aita ketý kerek, oblys halqynyń 19 paiyzyn jastar quraidy. Olardyń jalpy sany – 280 myń. Búgingi kúni olarǵa qoldaý kórsetýdiń túrli baǵyttaǵy sharalary qarastyrylǵan.
Máselen, 2022 jyly oblys tarihynda tuńǵysh ret jergilikti jastardy baspanamen qamtamasyz etýge qoldaý kórsetý úshin «Alataý jastary» atty turǵyn-úi baǵdarlamasy bastaý aldy.
Bastapqy jarnasyz 60 páter alý úshin 600 mln teńge bólindi. Biyl osy baǵdarlamaǵa bólinetin qarajat kólemi 3,6 mlrd teńgege deiin kóbeitildi. Bul qarjy 200 páter alýǵa múmkindik beredi.
Almaty oblysy ákimi atap ótkendei, munyń barlyǵy jastarǵa degen erekshe nazardyń aiqyn kórsetkishi.
