Osyǵan orai Túrkistan oblysy, Saryaǵash aýdanynda Túrkistan óńirinde erte pisetin kókónisterdi ózge oblystar men qalalarǵa jóneltýge forvardtyq kelisimshart jasaqtaý jóninde kóshpeli jiyn ótti. Osy kelisim arqyly kókónister tiimdi baǵada saýdalanbaq.
Kóshpeli jinalysta QR Aýyl sharýashylyǵy ministrligi eginshilik deparmentiniń melioratsiia basqarmasynyń basshysy Medet Jádigeruly, Túrkistan oblysy aýyl sharýashylyǵy basqarmasy basshysynyń mindetin atqarýshy Nurjigit Myrzahmetov, "Túrkistan" áleýmettik-kásipkerlik korporatsiiasy" aktsionerlik qoǵamynyń basqarma tóraǵasy Faizýlla Baidýllaev, oblys jáne oblystyq mańyzy bar qala ákimdikteriniń salalyq orynbasarlary, áleýmettik kásipkerlik korporatsiialary, qarjy mekemeleri, aýyl sharýashylyǵy salasynyń ókilderi, iri saýda jelileriniń basshylary jáne kásipkerler qatysty.
Jiynda Túrkistan oblysynyń aýyl sharýashylyǵyn damytýda elimizdegi eń qolaily óńir ekeni aitylyp, múmkindikteri saralandy. Oblysta kókónister basqa óńirlerge qaraǵanda 1,5-2 ai buryn jinalady. Jyldyq tutyný normasyna sáikes oblys halqy kartop, sábizben 1,5 ese, piiazben 4,4 ese, jáne qyryqqabatpen 6,6 ese qamtamasyz etiledi. Iaǵni, Túrkistan oblysy diqandarynyń respýblika halqyn áleýmettik mańyzy bar erte mezgildik kartop, piiaz, sábiz ónimderimen qamtýǵa tolyq múmkindigi bar.
Kóshpeli májilis barysynda Túrkistan oblysy ákimdigi men oblys jáne oblystyq mańyzy bar qala ákimdikteri arasynda aýyl sharýashylyǵy ónimderin ótkizý jónindegi ózara yntymaqtastyq týraly Memorandýmǵa qol qoiyldy. Osy turǵyda oblys ákimdigi tarapynan QR Aýyl sharýashylyǵy ministrligine kóktemgi dala jumystaryna beriletin jeńildetilgen nesie kólemin ulǵaitý jóninde usynystar engizildi.
