وسىعان وراي تۇركىستان وبلىسى، سارىاعاش اۋدانىندا تۇركىستان وڭىرىندە ەرتە پىسەتىن كوكونىستەردى وزگە وبلىستار مەن قالالارعا جونەلتۋگە فورۆاردتىق كەلىسىمشارت جاساقتاۋ جونىندە كوشپەلى جيىن ءوتتى. وسى كەلىسىم ارقىلى كوكونىستەر ءتيىمدى باعادا ساۋدالانباق.
كوشپەلى جينالىستا ق ر اۋىل شارۋاشىلىعى مينيسترلىگى ەگىنشىلىك دەپارمەنتىنىڭ مەليوراسيا باسقارماسىنىڭ باسشىسى مەدەت جادىگەر ۇلى، تۇركىستان وبلىسى اۋىل شارۋاشىلىعى باسقارماسى باسشىسىنىڭ مىندەتىن اتقارۋشى نۇرجىگىت مىرزاحمەتوۆ، "تۇركىستان" الەۋمەتتىك-كاسىپكەرلىك كورپوراسياسى" اكسيونەرلىك قوعامىنىڭ باسقارما ءتوراعاسى فايزۋللا بايدۋللايەۆ، وبلىس جانە وبلىستىق ماڭىزى بار قالا اكىمدىكتەرىنىڭ سالالىق ورىنباسارلارى، الەۋمەتتىك كاسىپكەرلىك كورپوراسيالارى، قارجى مەكەمەلەرى، اۋىل شارۋاشىلىعى سالاسىنىڭ وكىلدەرى، ءىرى ساۋدا جەلىلەرىنىڭ باسشىلارى جانە كاسىپكەرلەر قاتىستى.
جيىندا تۇركىستان وبلىسىنىڭ اۋىل شارۋاشىلىعىن دامىتۋدا ەلىمىزدەگى ەڭ قولايلى ءوڭىر ەكەنى ايتىلىپ، مۇمكىندىكتەرى سارالاندى. وبلىستا كوكونىستەر باسقا وڭىرلەرگە قاراعاندا 1،5-2 اي بۇرىن جينالادى. جىلدىق تۇتىنۋ نورماسىنا سايكەس وبلىس حالقى كارتوپ، سابىزبەن 1،5 ەسە، پيازبەن 4،4 ەسە، جانە قىرىققاباتپەن 6،6 ەسە قامتاماسىز ەتىلەدى. ياعني، تۇركىستان وبلىسى ديقاندارىنىڭ رەسپۋبليكا حالقىن الەۋمەتتىك ماڭىزى بار ەرتە مەزگىلدىك كارتوپ، پياز، ءسابىز ونىمدەرىمەن قامتۋعا تولىق مۇمكىندىگى بار.
اۋىل شارۋاشىلىعى داقىلدارىن ءارتاراپتاندىرۋ اياسىندا بيىل تۇركىستان وڭىرىندە ەرتە پىسەتىن كارتوپتى 9،02 مىڭ گەكتارعا، پيازدى 2،0 مىڭ گەكتارعا، ءسابىزدى 1،24 مىڭ گەكتارعا جانە قىرىققاباتتى 7،54 مىڭ گەكتارعا ورنالاستىرۋ جوسپارلانعان. ناتيجەسىندە 186،3 مىڭ توننا كارتوپ، 55،5 مىڭ توننا پياز، 30،4 مىڭ توننا ءسابىز جانە 187،2 مىڭ توننا قىرىققابات الۋ كوزدەلۋدە.
كوشپەلى ءماجىلىس بارىسىندا تۇركىستان وبلىسى اكىمدىگى مەن وبلىس جانە وبلىستىق ماڭىزى بار قالا اكىمدىكتەرى اراسىندا اۋىل شارۋاشىلىعى ونىمدەرىن وتكىزۋ جونىندەگى ءوزارا ىنتىماقتاستىق تۋرالى مەموراندۋمعا قول قويىلدى. وسى تۇرعىدا وبلىس اكىمدىگى تاراپىنان ق ر اۋىل شارۋاشىلىعى مينيسترلىگىنە كوكتەمگى دالا جۇمىستارىنا بەرىلەتىن جەڭىلدەتىلگەن نەسيە كولەمىن ۇلعايتۋ جونىندە ۇسىنىستار ەنگىزىلدى.
