Osy ýaqyt aralyǵynda mádeniet salasyna qatysy bar 630 uiym paida bolyp, óńirde kitaphana, klýbtyq uiymdar, murajailar, Dostyq úileri, kinoteatrlar, kontsert zaldary men mádeni saiabaqtar paida bolǵanyn aita ketýimiz kerek.
Al sońǵy ondaǵyn jyldyń ishinde oblys aýmaǵynda 170 mádeni nysanǵa kúrdeli jóndeý jumystary júrgizilip, halyqtyń paidalanýyna beriligen.
Osy rette Táýelsizdik jyldary ShQO arheologtary uzyn sany 26 myńynan asatyn qundy jádigerlerdi jer astynan qazyp alǵanyn aita ketýimiz kerek. Osylaisha arheolog mamandar qazaqtyń tamyry kóne zamandarmen ushtasyp jatqanyn dáleldep berdi.
Elimizdiń Táýelsizdiginiń 30 jyldyǵynda «Rýhani jańǵyrý» baǵdarlamasyn iske asyrý aiasynda ShQO ákimdigi Qazaqstannyń ejelgi kóshpendilerine arnalǵan Kembridjdegi Fitsýiliam mýzeiinde «Uly dala altyny» kórmesin uiymdastyrý elimiz úshin aitýly oqiǵa bolǵany anyq.
Sol kezde sheteldik basylamdar «London tórinde uiymdastyrylǵan kórme álem jurtshylyǵynyń Ortalyq Aziia kóshpendileri týraly oiyn ózgertti» dep jazǵan bolatyn.
Kórme ekspozitsiiasynda Shyǵys Qazaqstan arheologtarynyń tarihi buiymdary usynylyp, qazaq órkenietiniń qanshalyq bai ekeni kórsetti.
Ekspozitsiia kóshpendilerdiń erjúrek jaýynger, sulýlyq pen tarihty jasaýshylar bolǵanyn pash etkeni anyq. Sonymen qatar, ár eksponat tabylǵan jerdiń jeke fotosýretimen súiemeldengen.
Óz kezeginde ShQO ákimi Danial Ahmetov kórme qonaqtaryn qarsy alyp, oqiǵanyń Qazaqstan men Ulybritaniia qarym-qatynastary úshin mańyzdy ekenin atap ótip, ekspozitsiianyń kópshilikti biregei artefaktilermen tanystyryp, Qazaqstan men Birikken Koroldik arasyndaǵy mádeni jáne tarihi murasy bar elder arasyndaǵy mýltimádeni almasý tizbeginiń bir býynyna ainalatynyna tilek bildirgen bolatyn.
