ShQO-da 52 770 adam Pfizer vaktsinasyn qabyldady
ShQO Densaýlyq saqtaý basqarmasynyń málimeti boiynsha, búgingi kúni oblys boiynsha 12 jastan 18 jasqa deiingi jasóspirimder, júktiligi 16-37 apta aralyǵyndaǵy áielder, bala emizetin áiel sanattaryndaǵy 52 770 adam Pfizer vaktsinasymen ekpe aldy.
Olardyń 48 myńnan astamy – jasóspirimder, 1 100-ge jýyǵy júkti jáne 3700-den astamy bala emizetin áielder. Vaktsinanyń ekinshi komponentimen 6 400 adam vaktsinatsiialandy.
Atap óteiik, 12-den 18 jasqa deiingi balalardy vaktsinalaý tek qana ata-anasynyń neme jasóspirimniń zańdy ókilderiniń resmi ruqsaty arqyly júrgizilýde.
– Ár ata-anany balasynyń bolashaǵy alańdatady, sondyqtan, meniń oiymsha, bizdiń basty maqsatymyz – balamyzdy koronovirýs infektsiiasynan saqtaý. Qorqýdyń qajeti joq, jalǵan aqparattarǵa boi bermeý kerek. Meniń ulym Pfizer vaktsinasynyń birinshi komponentin aldy, ózin jaqsy sezinýde, – dedi Qalbataý aýylynyń turǵyny Alla Taimanova.
Dárigerlerdiń málimeti boiynsha, jańa zertteýler Pfizer vaktsinasynyń qaýipsiz ekenin jáne júkti áielderge keri áser etpeitinin kórsetedi. Júktilik kezinde koronovirýspen naýqastaný qaýipti jáne bul jaǵdaida infektsiia aýyr asqynýy múmkin.
– Men koronovirýspen statsionarǵa tústim, rentgen túsiriliminde ókpemniń 20 paiyzy qabynǵany kórindi. Men qazir em qabyldaýdamyn, tynys alýym aqyryndap qalypqa kele jatyr. Bolashaq analarǵa aitqym keledi, tiisti sharalardyń barlyǵyn qabyldap, óz densaýlyqtaryńyzdy jáne bolashaq balalaryńyzdy qorǵańyzdar. Dárigerlermen keńesińizder, ekpeni qai ýaqytta alǵan durys boltanyn bilińizder. Bul kútpegen jerde statsionarǵa túsýden qorǵaidy. Aýyrýdy jeńý óte aýyr, – dedi oblys turǵyny Liýdmila Kotikova.
